ກອງປະຊຸມຊຸກຍູ້ຂະບວນແຂ່ງຂັນ “ຮັກຊາດ ແລະ ພັດທະນາ” ຂອງນັກທຸລະກິດເຂົ້າສູ່ເມືອງສັງທອງ ນະຄອນຫຼວງ​ວຽງ​ຈັນ (ນວ) ຈັດຂຶ້ນວັນທີ 8 ສິງຫາ 2019 ຢູ່​ເມືອງ​ດັ່ງກ່າວ ໂດຍເປັນປະທານຂອງທ່ານ ດາວເພັດ ອາລຸນ ເຈົ້າເມືອງສັງທອງ ມີທ່ານ ສິນລະວົງ ຄຸດໄພທູນ ເຈົ້າຄອງ ນວ ບັນດາເຈົ້າເມືອງ ພະແນກການ ​ແລະ ພາກສ່ວນ​ກ່ຽວຂ້ອງ ​ເຂົ້າ​ຮ່ວມ.

    ທ່ານ ດາວເພັດ ອາລຸນ ກ່າວວ່າ: ໂດຍປະຕິບັດຕາມມະຕິກອງປະຊຸມໃຫຍ່ ຄັ້ງທີ IV ຂອງອົງຄະນະພັກເມືອງ ຄາດໝາຍສູ້ຊົນໃນປີ 2020 ລວມຍອດຜະລິດຕະພັ​ນພາຍ​ໃນໃຫ້ບັນລຸ 574,08 ຕື້ກີບ ສະເລ່ຍລາຍໄດ້ 16,58 ລ້ານກີບຕໍ່ຄົນຕໍ່ປີ ສະ​ເພາະປີ 2018 ປະຕິບັດລາຍຮັບໄດ້ 6,8 ຕື້ກີບ ລື່ນ​ແຜນການ 20,27% ສ່ວນປີ 2019 ​ແມ່ນ 7,5 ຕື້ກີບ ຜ່ານ​ການ​ປະຕິບັດ 7 ​ເດືອນ​ຜ່ານ​ມາ ໄດ້ 4,4 ຄື້ກີບ ທຽບໃສ່ແຜນການປີ ປະຕິບັດໄດ້ 58,76% ການຂຸດຄົ້ນແຫຼ່ງລາຍຮັບສ່ວນໃຫຍ່ມາຈາກການເກັບອາກອນ 3,7 ຕື້ກີບ ເທົ່າກັບ 58,22% ແລະ ຊັບສິນ 680 ລ້ານກີບ ເທົ່າກັບ 61,91% ນອກ​ນີ້​ຍັງ​ໄດ້ເອົາໃຈໃສ່ແກ້ໄຂປະກົດການຫຍໍ້ທໍ້ຕາມທິດ 3 ຫຼຸດ 3 ເພີ່ມ ແລະ 3 ຂະບວນການ ​ເຮັດ​ໃຫ້ບັນຫາຢາເສບຕິດມີທ່າອ່ຽງຫຼຸດລົງ ອຸບັດເຫດ ອັກຄີໄພມີໜ້ອຍ ຮັກສາໄດ້ຄວາມສະຫງົບທົ່ວສັງຄົມ ເນື່ອງຈາກໄດ້ຫັນເອົາພະນັກງານລົງກໍ່ສ້າງຮາກຖານກັບທີ່ ແລະ ປະຈໍາບ້ານ ເພື່ອຊີ້ນໍາ-ນໍາພາບ້ານແກ້ໄຂ ຕິດພັນກັບການພັດທະນາບ້ານໄປພ້ອມກັນ ໄດ້ສະແດງອອກການປັບປຸງປົວແປງພັກ ແລະ ກໍານົດແຜນພັດທະນາບ້ານ ໄປຕາມທິດນະໂຍບາຍຂອງເມືອງກໍານົດໄວ້.

    ການພັດທະນາເມືອງໄດ້ສຸມໃສ່ 3 ເຂດຄື: ເຂດ​ນ້ຳ​ຕອນ​ລຽບ​ພູ​ພະນັງ ກຳນົດ​ເປັນ​ເຂດ​ກະສິກຳ ​ຕິດ​ພັນ​ກັບ​ການທ່ອງທ່ຽວທາງ​ປະຫວັດສາດ ເຊິ່ງ​ໄດ້​ຊຸກຍູ້-​ສົ່ງ​ເສີມ​ປະຊາຊົນ​ຈັດ​ຕັ້ງ​ເປັນ​ກຸ່ມ​​ຜະລິດ​ເຂົ້າອິນຊີ ພືດ-​ຜັກ​ປອດ​ສານພິດ ​ແລະ ​ຫັດຖະກຳ​ ​ເຂດ​ທາງ​ເລກທີ 11 ລຽບຕາມ​ແມ່​ນ້ຳຂອງ ກຳນົດ​ເປັນ​ເຂດ​ຜະລິດ​ກະສິກຳ ອຸດສາຫະກຳ ​ແລະ ​ການ​ບໍລິການ ຕິດ​ພັນ​ກັບ​ການ​ສົ່ງ​ເສີມ​ການ​ປູກ​ເຂົ້າ ປູກ​ພືດ​ລົ້ມລຸກ ​​ຂຸດ​ຄົ້ນ​ແຮ່​ທາດ​ ​ໂຮງ​ຈັກ-​ໂຮງງານ​ຕ່າງໆ ​ແລະ ​ເຂດ​ລຽບຕາມ​ສາຍ​ນ້ຳ​ສັງ​ ກໍານົດ​ເປັນ​ເຂດ​ກະສິກຳ ​ແລະ ​ການທ່ອງທ່ຽວດ້ານ​ທຳ​ມະ​ຊາດ ​ໃນ​ນີ້ ໄດ້​ສົ່ງ​ເສີມ​ການ​ປູກ​ເຂົ້າ ພືດ​-ຜັກ ​ໄມ້​ໃຫ້​ໝາກ ພືດ​ອຸດສາຫະກຳ ​ໄມ້​ອຸດສາຫະກຳ ​ລ້ຽງສັດ​ເປັນ​ຟາ​ມ ​ແລະ ຊຸກ ຍູ້-​ສົ່ງ​ເສີມ​ການ​ສ້າງ​ຕັ້ງກຸ່ມ​ຜະ​ລິດ​ຫັດຖະກຳ​ໄມ້ປ່ອງ​ ນອກ​ນີ້​ຍັງໄດ້​ກໍານົດ ​4 ຂົງ​ເຂດ​ວຽກ​ງານ 112 ​ໂຄງການ​ໃນ​ນີ້ຂົງ​ເຂດ​ເສດຖະກິດ 53 ​ໂຄງການ ວັດທະ ນະທຳ-ສັງຄົມ 27 ​ໂຄງການ ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະ ຫງົບ 12 ​ໂຄງການ ​ບໍລິຫານ​ລັດ 21 ​ໂຄງການ ​ປັດຈຸ​ບັນ​​ແມ່ນ​ທ້າຍ​ສະ​ໄໝ​ຂອງ​ກອງ​ປະຊຸມ ​ໃນ​ໂອກາດ​ເປີດ​ຂະ​ບວນການ​ຮັກ​ຊາດ ​ແລະ​ ພັດທະນາ ຕິດ​ພັນ​ກັບ​ຮັກ​ ນວ ຂອງ​ພາກ​ທຸລະ​ກິດ​ຢູ່​ເມືອງ​ສັງ​ທອງ ​ແລະ ​ເພື່ອ​​ດຶງ​ດູດ​ການ​ລົງທຶນ​ມາສູ່​ເມືອງ​ສັງ​ທອງ​ ​​ຕ້ອງ​ສຸມ​ໃສ່​ຂົງ​ເສດຖະກິດ ​ແລະ ​ຂົງ​ເຂດ​ວັດທະນະທຳ-​ສັງຄົມ ທີ່​ນອນ​ໃນ 3 ​ເຂດ​ພັດທະນາຫຼັກ.

    ກອງປະຊຸມຄັ້ງ​ນີ້​ຍັງໄດ້ຮັບຟັງລາຍງານການຈັດຕັ້ງປະຕິບັດຂະບວນການແຂ່ງຂັນ “ຮັກຊາດ ແລະ ພັດທະນາ” ຕິດພັນກັບຮັກ ນວ ຈາກທ່ານ ບຸນໜາ ຜາທຸມມະວົງ ຫົວໜ້າພະແນກພາຍໃນ ນວ ພ້ອມທັງຮັບຟັງລາຍງານຂອງຕົວແບບຕ່າງໆຈາກຜູ້ຕາງໜ້າທຸລະກິດ ເຊັ່ນ: ຕົວແບບຜູ້ປະກອບການຟາມລ້ຽງງົວ ຄົບຫີນ ຜະລິດຕະພັນໄມ້ປ່ອງ ການຄ້າ-ການລົງທຶນ ແລະ ການພັດທະນາເສດຖະກິດແບບມີສ່ວນຮ່ວມ ແລະ ຍືນຍົງ ທ່າແຮງ ແລະ ການພັດທະນາຊົນລະກະເສດ ກະສິກໍາ-ລ້ຽງສັດ ຕິດພັນກັບຊົນນະບົດ ແລະ ແກ້ໄຂຄວາມທຸກຍາກ ການປູກຜັກອິນຊີ ແລະ ອື່ນໆ.

    ທ່ານ ສິນລະວົງ ຄຸດໄພທູນ ​ໄດ້​​ເນັ້ນໃຫ້​ເມືອງສັງ​ທອງສືບ​ຕໍ່ສົ່ງ​ເສີມ​ທຸກ​ການ​ລົງທຶນ​ຂອງ​ພາກ​ເອກະ​ຊົນ ທີ່​ເຫັນ​ວ່າຈະ​ຊ່ວຍ​​ໃຫ້​ເມືອງ​ມີ​ການ​ພັດທະນາ ຮັບປະກັນ​ໃຫ້​ຊົນນະບົດ ​ແລະ ​ຕົວ​ເມືອງ​ມີ​ຈັງຫວະ​ການ​ພັດທະນາ​ທີ່​ຍັບ​ມໍ່​ເຂົ້າ​ໃກ້​ກັນ ສົ່ງ​ເສີມ​ການ​ຜະລິດ​ກະສິກຳ​ເປັນ​ສິນຄ້າ​ໃຫ້ຫຼາຍຂຶ້ນ ​ແລະ​ ຖື​ເອົາ​ກະສິກຳ​ສະອາດ​ເປັນ​ທ່າ​ແຮງ​ໂດຍ​ນຳ​ໃຊ້​ເຕັກ​ນິກວິທະຍາສາດ ວິທະຍາ​ການ​ໃນ​ການ​ຜະລິດ ​ແລະ​ ຊ່ວຍ​ເຫຼືອ ຄຽງ​ຄູ່​ກັບການ​ສ້າງ​ພະນັກງານ ນັກ​ພັດທະນາ​ທ້ອງ​ຖິ່ນ​ກັບ​ທີ່ ​ແລະ ​ເປັນ​ຕົວ​ແບບ​ຂອງ​ການ​ພັດທະນາ​ໃຫ້​ເປັນ​ຮູບ​ປະ​ທຳຫຼາຍຂຶ້ນ ຄຽງຄູ່​ກັບ​ອົງການຈັດຕັ້ງ​​ລັດ ພາກ​ທຸລະ​ກິດ​ເປັນ​ກຳລັງ​ແຮງ​ທີ່​ສຸດ ສະນັ້ນຈຶ່ງ​ຮຽກ​ຮ້ອງພາກ​ທຸລະ​ກິດ​ເຂົ້າມາ​ມີ​ສ່ວນ​ຮ່ວມ​ໃນ​ການ​ແຂ່ງຂັນຮັກ​ຊາດ ​ແລະ ​ພັດທະນາ ຕິດ​ພັນ​ກັບ​ການ​ຮັກ​ ນວ ຊຸກຍູ້​ວຽກ​ງານ 3 ສ້າງ ​3 ຫຼຸດ 3 ​ເພີ່ມ 3 ຂະ​ບວນການ ​ແລະ 3 ​ເພື່ອ ​ໃຫ້​ເປັນ​ຂະ​ບວນການ​ຟົດ​ຟື້ນ​ຫຼາຍຂຶ້ນ ປຸກລະດົມ​​ທຸກພາກສ່ວນ​ມີ​ສ່ວນ​ຮ່ວມ​ເປັນ​ເຈົ້າການ​ດຶງ​ດູດ​ການ​ລົງທຶນ ຊອກ​ຕະຫຼາດ ​ແລະ ​ຊຸກຍູ້​ໃຫ້​ເປັນຫົວໜ່ວຍ​ທຸລະ​ກິດ​ປະກອບສ່ວນ​ໃນ​ວຽກ​ງານ​ແຂ່ງຂັນ​ພັດທະນາ​ຊົນນະບົດ ​ເພື່ອ​ສ້າງ​ໃຫ້​ ນວ ມີ​ໃບ​ໜ້າ​ໃໝ່ ​​ມີ​ການປ່ຽນ​ແປງ ​ແລ​ະ ພັດທະນາ​ເປັນ​ກ້າວໆ.

ເມືອງສັງທອງສະຫຼຸບວຽກງານກໍ່ສ້າງຮາກຖານ - ການເມືອງ 6 ເດືອນຕົ້ນປີ 2019 ແລະ ທິດທາງແຜນການທ້າຍ ປີ2019

  ກອງປະຊຸມ ຈັດຂື້ນໃນຕອນເຊົ້າທີ 16 ສິງຫາ ທ້າຍອາທິດທີ່ຜ່ານມານີ້ ຢູ່ ທີ່ສະໂມສອນເມືອງສັງທອງ ເປັນກຽດເຂົ້າຮ່ວມຂອງ ທ່ານ ດາວເພັດ ອາລຸນ ເລຂາພັກເມືອງ, ເຈົ້າເມືອງສັງທອງ ມີບັນດາຮອງເຈົ້າເມືອງ, ຄະນະປະຈໍາພັກ, ຄະນະພັກ ແລະ ພາກສ່ວນກ່ຽວຂ້ອງເຂົ້າຮ່ວມ.

  ທ່ານ ສຸລິເຍດ ຈາກມາ ຮອງຫົວໜ້າຫ້ອງວ່າການເມືອງສັງທອງຜູ້ຮັບຜິດຊອບວຽກງານກໍ່ສ້າງຮາກຖານ - ການເມືອງໃຫ້ຮູ້ວ່າ: ໃນໄລຍະຜ່ານມາພະນັກງານກໍ່ສ້າງຮາກຖານການເມືອງໄດ້ຖືເອົາວຽກງານການສຶກສາ ອົບຮົມການເມືອງ-ແນວຄິດ ເປປັນບັນຫາກົກໂດຍສອດຫ້ອຍເຂົ້າໃນທຸກຂົງເຂດວຽກງານໄດ້ຈັດຕັ້ງເຜີຍແຜ່ ແນວທາງນະໂຍບາຍຂອງພັກ, ລະບຽບ ກົດໜາຍຂອງລັດຕາມທິດນໍາສາມສ້າງ ແລະ ເອກະສານມູນເຊື້ອວັນ ສໍາຄັນຕ່າງໆຂອງພັກ-ຂອງຊາດມາເຜີຍແຜ່ ໃຫ້ຮາກຖານບ້ານ ແລະ ພໍ່ແມ່ປະຊາຊົນບັນດາເຜົ່າທົ່ວເມືອງໄດ້ ຮັບຮູ້ເຂົ້າໃຈ, ປັດຈຸບັນທົ່ວເມືອງມີໜ່ວຍພັກຮາກຖານບ້ານ 34 ໜ່ວຍພັກ ແລະ 1 ຄະນະພັກຮາກຖານ ໄລຍະຜ່ານມາສ້າງໜ່ວຍພັກເປັນໜ່ວຍພັກປອດໃສໄດ້ 20 ໜ່ວຍ, ເປີດກອງປະ ຊຸມໃຫ່ຍໜ່ວຍພັກຮາກ ຖານໄດ້ 9 ໜ່ວຍພັກ, ສ້າງບ້ານໃຫ້ມີລະບົບການເມືອງເຂັ້ມແຂງແລ້ວ 32 ບ້ານເທົ່າກັບ 91,46% ໃນນັ້ນມີ 1 ບ້ານພັດທະນາຈຸສຸມ 3 ສ້າງ(ບ້ານໃຫ່ຍນາຈະເລີນ) ໄລຍະ 6 ເດືອນຜ່ານມາມີຄະດີເກີດຂື້ນທັງໜົດ 62 ເລື່ອງ, ໃນນັ້ນລັກຊັບຜົນລະເມືອງ 12 ເລື່ອງ, ຄ້າຂາຍ ແລະ ເສບຢາເສບຕິດ(ຢາບ້າ) 43 ເລື່ອງ, ນັກເລງອັນຕາພານ 2 ເລື່ອງ, ທໍາລາຍຊັບພົນລະເມືອງ 4 ເລື່ອງ, ຂົ່ມຂືນທໍາສໍາເລົາ 1 ເລື່ອງ, ມ້າງໄດ້ 50 ເລື່ອງ, ກັກຕົວຜູ້ຕ້ອງຫາໄດ້ 48 ຄົນ, ຍິງ 2 ຄົນ, ອຸປະຕິເຫດເກີດຂື້ນທັງໜົດ 17 ຄັ້ງ ພາຫະນະເປ່ເພ 30 ຄັນ, ເປ່ເພເລັກນ້ອຍ 10 ຄັນ, ເປ່ເພສົມຄວນ 17 ໃຊ້ການບໍ່ໄດ້ 3 ຄັນ ໄດ້ຮັບບາດເຈັບ 27 ຄົນ, ເຈັບໜ້ອຍ 13 ຄົນ, ສົມຄວນ 8 ຄົນ, ສາຫັດ 6 ຄົນ ແລະ ເສຍຊິວິດ 6/1 ຄົນ ນອກຈາກນັ້ນຄະນະພັກຮາກຖານການເມືອງຍັງໄດ້ສຸມໃສ່ການເກັບລາຍຮັບ ເຂົ້າງົບປະມານໄດ້ທັງໜົດ 903,865,670 ກີບ 62,59% ໃນນັ້ນ ພາສີທີ່ດິນ 825,359,870 ກີບ, ອາກອນ 78,505,800 ກີບ ໄດ້ຊຸກຍູ້ໃນການທຳການຜະລິດ ລະດູແລ້ງໂດຍສະເພາະ ການຜະລິດເຂົ້ານາແຊງໃນເນື້ອທີ່ 58 ຮຕ ສາມາດຜະລິດໄດ້ທັງໜົດ 38.619 ໂຕນ, ພຶດຜັກປະຕິບັດໄດ້ 1.067 ຜະລິດໄດ້ 10.394 ທຽໃສ່ປີຜ່ານມາເພີ່ມຂື້ນ 559 ໂຕ່ນ, ພຶດອຸດສາຫະກໍາ 1.550 ຮຕ ຜະລິດໄດ້ 22.358 ໂຕນ ທຽບໃສ່ປີຜ່ານມາເພີ່ມຂື້ນ 5.963 ໂຕນ ເດັກນ້ອຍໃນເກນອາຍຸໄດ້ເຂົ້າໂຮງຮຽນຢ່າງທົ່ວເຖິງບໍ່ປະລະ ການຮຽນ, ປຸກລະດົມຄອບຄົວແລະນັກຮຽນ ທີ່ປະລະການຮຽນໃຫ້ມາເຂົ້າຮຽນຄືນ ນອກຈາກນັ້ນກໍ່ໄດ້ຊຸກຍູ້ປຸກລະດົມ ປະຊາຊົມໃຫ້ເຂົ້າ ຮຽນບໍາລຸງຊັ້ນມໍຕົ້ນ  ໃນກອງປະຊຸມຍັງໄດ້ຮັບຮອງເອົາແຜນວຽກຈຸດສຸມໃນຕໍ່ໜ້າໂດຍສະເພາະແມ່ນ ວຽກງານການເມືອງ-ແນວຄິດ, ການປັບປຸງ, ກໍ່ສ້າງລະບົບການເມືອງຢູ່ຂັ້ນຮາກຖານ, ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານເສດຖະກິດ, ວຽງານວັດທະນະທໍາ-ສັງຄົມ ແລະ ວຽກງານຈຸດສຸມ3ສ້າງ ໂອກາດດຽວກັນນີ້ ທ່ານ ດາວເພັດ ອາລຸນ ເຈົ້າເມືອງໆສັງທອງຍັງໄດ້ໃຫ້ກຽດມອບນາມມະຍົດໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃຫ້ແກ່ 51 ໜ່ວຍພັກທົ່ວເມືອງ. ທັ້ງນີ້ກໍ່ເພື່ອປະຕິບັດມາດຕະການຍຸດທະສາດຫັນເອົາພະນັກງານລົງກໍ່ສ້າງຮາກຖານການເມືອງ ຕິດພັນກັບການ ສ້າງບ້ານພັດທະນາຊົນະບົດຮອບດ້ານສ້າງບ້ານແລະກຸ່ມເປັນບ້ານພັດທະນາຕາມ 4 ເນື້ອໃນ, 4 ຄາດໜາຍ ຕິດພັນກັບ ວຽກງານສາມສ້າງຂອງກົມການເມືອງສູນກາງພັກວາງອອກ.

  ໃນຕອນເຊົ້າວັນທີ 21 ມີຖຸນາ ຂອງທ້າຍອາທິດທີ່ຜ່ານຢູ່ທີ່ສະໂມສອນເມືອງສັງທອງ ນວ ໄດ້ເປີດກອງ ປະຊຸມສຶກສາອົບຮົມການເມືອງແນວຄິດເພື່ອກະກຽມດຳເນີນກອງປະຊຸມໃຫ່ຍຂອງພັກ 3 ຂັ້ນສຳລັບສະມາຊິກ ພັກ ແລະ ພະນັກງານຫຼັກແຫຼງ ໂດຍໃຫ້ກຽດເຜີຍແຜ່ ແລະ ເຊື່ອມຊືມໃນຄັ້ງນີ້ຂອງ ທ່ານ ພົງສະຫັວນ ສິລິພັນ ຮອງຫົວ ໜ້າຄະນະໂຄສະນາອົບຮົມ ນວ ມີບັນດາຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການອ້ອມເມືອງ, ພະນັກງານຫຼັກແຫຼງ, ພະນັກງານລັດຖະກອນ, ສະມາຊີກພັກ

      ໃນຕອນເຊົ້າວັນທີ 20 ມີຖຸນາ 2019 ຢູ່ທີ່ສະໂມສອນບ້ານໃຫ່ຍນາຈະເລີນ ເມືອງສັງທອງ ນວ ໄດ້ຈັດ ພິທີ-ມອບ ໃບຢັ້ງຢືນບ້ານສາມັກຄີປອງດອງຂອງບ້ານໃຫ່ຍນາຈະເລີນ ເປັນບ້ານສາມັກຄີປອງດອງຂອງ ແນວລາວສ້າງຊາດ ພາຍໄຕ້ເປັນປະທານຂອງ ທ່ານ ໄອສູນ ສະພັງທອງ ປະທານ ແນວລາວສ້າງຊາດ ເມືອງສັງທອງ ເປັນກຽດເຂົ້າຮ່ວມຂອງ ທ່ານ ບຸນທ່ຽງ ຂຸນສີ ຄະນະປະຈຳພັກ ນວ ປະທານແນວລາວ ສ້າງຊາດ ນວ ທ່ານ ຄໍາສວຍ ອຸ່ນດາລາ ຮອງເຈົ້າເມືອງສັງທອງ ທ່ານບຸດດີສີມມາລາວົງ ຮອງເຂາພັກບ້ານ ຮອງນາຍບ້ານໃຫ່ຍນາຈະເລີນ ມີບັນດາອໍານາດການປົກຄອງບ້ານພ້ອມດ້ວຍພໍ່ແມ່ປະຊາຊົນພາຍໃນບ້ານ ເຂົ້າຮ່ວມຢ່າງພ້ອມພຽງ.

    ໃນຕອນເຊົ້າວັນທີ 14 ມີຖຸນາ 2019 ທ່ານ ປອ ອາດສະພັງທອງ ສີພັນດອນ ຮອງເຈົ້າຄອງ ນວ ພ້ອມດ້ວຍຄະນະ ໄດ້ລົງຢຽມຢາມ ແລະ ເຮັດວຽກຢູ່ເມືອງສັງທອງ ໂດຍການຕ້ອນຮັບຂອງ ທ່ານ ດາວເພັດ ອາລຸນ ເລຂາພັກເມືອງ ເຈົ້າເມືອງສັງທອງ ມີບັນດາ ຮອງເຈົ້າເມືອງ, ພະນັກງານຫຼັກແຫຼ່ງພ້ອມດ້ວຍຫົວໜ້າຫ້ອງການອ້ອມຂ້າງເມືອງເຂົ້າຮ່ວມ.

     ພິທີເປີດການສອບເສັງຈົບຊັ້ນມັດທະຍົມຕອນຕົ້ນ ມໍ4 ທົ່ວປະເທດປະຈໍາສົກປີ 2018-2019 ໃນລະວ່າງວັນທີ 18-20 ມີຖຸນາ 2019 ຈັດຂື້ນຢ່າງເປັນທາງການເວົ້າລວມ ເວົ້າສະເພາະຢູ່ເມືອງ ສັງທອງ ນວ ກໍ່ໄດ້ເປີດຂະບວນການສອບເສັງຂື້ນເຊັ່ນດຽວກັນຢູ່ທີ່ສູນສອບເສັງ ຮຮ ມັດທະຍົມສົມ ບູນສີທອງຂອງ ເມືອງດັ່ງກ່າວ ໂດຍເປັນກຽດເຂົ້າຮ່ວມເປີດພິທີຂອງ ທ່ານ ຄໍາສວຍ ອຸ່ນດາລາ ຮອງ ເຈົ້າເມືອງສັງທອງ, ທ່ານ ອຈ ສຸລິແສງ ສີາລາດ ຫົວໜ້າຫ້ອງການສຶກສາທິການ ແລະ ກິລາ ເມືອງ ສັງທອງ ມີບັນດາຕາງ ໜ້າຈາກພະແນກສຶກສາທິການ ແລະ ກິລາ ນວ ຄູອາຈານ, ພະນັກງານປ້ອງ ກັນ, ແພດປະຈໍາສະໜາມ ແລະ ນ້ອງນັກຮຽນຊັ້ນ ມໍ4 ເຂົ້າຮ່ວມ.

     ທ່ານ ຫຼຸມຄໍາ ຈັນທະປັນຍາ ຫົວໜ້າຫ້ອງການ ໂຍທາທິການ ແລະ ຂົນສົ່ງເມືອງສັງທອງ ໄດ້ ລາຍງານຕໍ່ຜູ້ສື່ຂ່າວໃນຄັ້ງວັນທີ 13 ມີຖຸນາ ທີ່ຜ່ານມາ ໃຫ້ຮູ້ວ່າ: ການຈັດຕັ້ງປະຕິບັດກໍ່ສ້າງສ້ອມ ແປງເສັ້ນທາງ ແຕ່ ເພຍລາດ-ເຕົາໃຫ ເຊີ່ງໄດ້ເລີ່ມລົງມືຈັດຕັ້ງປະຕິບັດມາແຕ່ວັນທີ 9 ພຶດສະພາ 2019 ເຊີ່ງແມ່ນບໍລິສັດ ຈັນມີໄຊກໍ່ສ້າງຄົບວົງຈອນຈໍາກັດຜູ້ດຽວເປັນຜູ້ຮັບເໜົາກໍ່ສ້າງ ເຊີ່ງມີຄວາມ ຍາວທັງໜົດ 14.700 ແມັດ, ກວ້າງ 7 ແມັດ ປູດ້ວຍຫີນເບສຄອດອັດແໜ້ນ

    ພິທີປະກາດການຈັດຕັ້ງ ຮອງເຈົ້າເມອງໆສັງທອງຜູ້ໃໜ່ ມີຂື້ນໃນວັນທີ 23 ພຶດສະພາ 2019 ຢູ່ທີສະໂມສອນເມືອງດັ່ງກ່າວ ໂດຍການເຂົ້າຮ່ວມເປັນສັກຂີພິຍານຂອງ ທ່ານ ສີຫຸນ ສິດທິລືໄຊ ຮອງເລຂາຄະນະພັກ, ຮອງເຈົ້າຄອງນະຄອນຫຼວງວຽງຈັນ ທ່ານ ດາວເພັດ ອາລຸນ ເລຂາພັກເມືອງ, ເຈົ້າເມືອງໆສັງທອງ ມີບັນດາຫົວໜ້າພະແນກການທີ່ກ່ຽວຂ້ອງ ນະຄອນຫຼວງວຽງຈັນ ແລະ ຫົວໜ້າຫ້ອງການອ້ອມຂ້າງພາຍໃນເມືອງສັງທອງເຂົ້າຮ່ວມ.

   ໃນພິທີໄດ້ຜ່ານຂໍ້ຕົກລົງສະບັບເລກທີ 0335/ຈນວ, ລົງວັນທີ 8 /5/ 2019 ຂອງທ່ານເຈົ້າຄອງນະຄອນຫຼວງວຽງຈັນວ່າດ້ວຍການຍົກຍ້າຍ ທ່ານ ຄໍາສວຍ ອຸ່ນດາລາ ຮອງເລຂາທິການສະພາປະຊາຊົນ ນະຄອນຫຼວງວຽງຈັນ ໄປຮັບໜ້າທີ່ໃໜ່ເປັນຮອງເຈົ້າເມືອງໆສັງທອງຄົນໃໜ່.