ໃນຕອນເຊົ້າວັນທີ 23 ມິຖຸນາ 2017 ເມືອງສັງທອງໄດ້ຈັດພິທີປູກໄມ້ປະດັບແຄມທາງນັບແຕ່ບ້ສນຫີນລັບຫາບ້ານນາຫອຍມີບັນຄະນະປະຈຳພັກ,ຄະນະພັກ,ຫົວຫນ້າຫ້ອງການພ້ອມດ້ວຍພະນັກງານລັດຖະກອນທັງຫນົດທົ່ວເມືອງເຂົ້າຮ່ວມໃນພິທີດັ່ງກ່າວ

       ໂດຍພາໃຕ້ການນຳພາຂອງທ່ານ ພົງສະຫວັນ ສີລິພັນ ຮອງເຈົ້າເມືອງສັງທອງ ໃນນັ້ນມີບັນດາອົງການຈັດຕັ້ງບ້ານ 4 ບ້ານ ຄື: ບ້ານທ່ານາຂາມ, ບ້ານນາຫອຍ, ບ້ານຫ້ວຍຄຳ, ບ້ານຫີນລັບ ແລະ ພະນັກງານກໍ່ສ້າງຮາກຖານການເມືອງ ຈຳນວນ 50 ກົ່ວຄົນ; ໄມ້ທີ່ນຳມາປູກໃນຄັ້ງນີ້ມີ ໄມ້ດູ່, ໄມ້ແຕ້ຂ່າ, ໄມຫູກກວາງ ແລະ ຕົ້ນໄມກາກະເລົ່າ ລວມທັງໜົດ 200 ເບັ້ຍ; ທັງນີ້ກໍ່ປະຕິບັດຕາມພັນທະຂອງເຈົ້າຄອງວາງອອກປະຊາຊົນພາຍໃນນະຄອນຫລວງວຽງຈັນຕ້ອງປູກຕົ້ນໄມ້ໃຫ້ໄດ້ຄົນລະ 2 ຕົ້ນຂື້ນໄປເພຶ່ອໃຫ້ເປັນປ່າປົກຫຸ້ມແຕ່ນີ້ຫາປີ 2020 ໃຫ້ໄດ້ 70% ຂອງເນື້ອທີ່ທົ່ວປະເທດທັງເປັນການປະຕິບັດຕາມຄຳຂັວນ 6 ສໍ ຂອງທ່ານເຈົ້າຄອງ ນະຄອນຫລວງວຽງຈັນວາງອອກ ໂດຍສະເພາະແມ່ນສໍສີຂຽວໃຫ້ປະກົດຜົນເປັນຈິ່ງເທຶ່ອລະກ້າວ

            ກອງປະຊູມເຜີຍແຜ່ຜົນສຳເລັດ ກອງປະຊຸມຄົບຄະນະຄັ້ງທີ II ສະໄໝທີ X ຂອງສູນກາງແນວລາວສ້າງຊາດຈັດຂື້ນໃນວັນທີ 29 ພຶດສະພາ 2017 ຢູ່ທີ່ສະໂມສອນເມືອງດັ່ງກ່າວ ໂດຍເປັນປະທານ ຂອງ ທ່ານ ບຸນທຽ່ງ ຂຸນສີ ຄະນະປະຈຳ ນະຄອນຫຼວງວຽງຈັນ ປະທານແນວລາວສ້າງຊາດ ນະຄອນຫຼວງວຽງຈັນ,ທ່ານຄຳໜູນ ຕຽງທະລາດ ຄະນະພັກ ນະຄອນຫຼວງວຽງຈັນ ເລຂາພັກ ເມືອງ ເຈົ້າເມືອງ ເມືອງສັງທອງ ໃນນັ້ນມີຄະນະປະຈຳແນວ ເມືອງສັງທອງຕະຫຼອດຮອດເລຂາພັກບ້ານ, ນາຍບ້ານ ,ປະທານແນວລາວສ້າງຊາດບ້ານທົ່ວເມືອງສັງທອງເຂົ້າຮ່ວມ.

         ໃນວັນທີ 30 ພຶດສະພາ 2017 ຢູ່ທີ່ຫ້ອງການສະຫະພັນນັກຮົບເກົ່າ ເມືອງສັງທອງ ນະຄອນຫຼວງວຽງຈັນໄດ້ຈັດພິທີປະດັບຫຼຽນກຽດຕິຄຸນກອງທັບປະຊາຊົນລາວໃຫ້ ອາດີດນາຍທະຫານ ກອງທັບປະຊາຊົນລາວ ທີ່ພັກຜ່ອນບຳນານໂດຍການເປັນປະທານຂອງທ່ານ ບຸນທອນ ໄຊສົງຄາມ ປະທານສະຫະພັນນັກຮົບເກົ່າ ນະຄອນຫຼວງວຽງຈັນ.

         ທ່ານ ພົງສະຫັວນ ສີລິພັນ ຮອງເຈົ້າເມືອງ ເມືອງສັງທອງ ພະນັກງານນັກຮົບທີ່ພັກຜ່ອນບຳນານ ຫົວໜ້າອ້ອມຂ້າງທົ່ວເມືອງສັງທອງເຂົ້າຮ່ວມ. ໃຫ້ກຽດປະດັບຫຼຽນນັກຮົບແຂ່ງຂັນໃຫ້ພະນັກງານນັກຮົບບຳນານຂອງ ທ່ານ ບຸນທອນ ໄຊສົງຄາມ ປະທານສະຫະພັນນັກຮົບເກົ່າ ນະຄອນຫຼວງວຽງຈັນ ເຊິ່ງມີນາຍ ພົນທະຫານ ແລະ ນາຍຕຳຫຼວດ ໄດ້ຮັບຫຼຽນດັ່ງກ່າວ ຈຳນວນ 4 ສະຫາຍ ໃຫ້ກຽດປະດັບຫຼຽນກຽດຕິກຸນ ໃຫ້ພະນັກງານນັກຮົບບຳນານຂອງ ທ່ານ ພົງສະຫັວນ ສີລິພັນ ຮອງເຈົ້າເມືອງ ເມືອງສັງທອງ ຈຳນວນ 7 ສະຫາຍ ຍິງ 2 ສະຫາຍ ແລະ ຕ່າງໜ້າຜູ້ເສຍຊີວິດ 3 ສະຫາຍ ດັ່ງນີ້ກໍ່ເພື່ອຕອບສະໜອງຜົນງານ, ຄຸນງາມຄວາມດີຂອງພະນັກງານນັກຮົບທີ່ໄດ້ອຸທີດຕົນປະກອບສ່ວນຢ່າງຕັ້ງໜ້າດ້ວຍເຫື່ອແຮງສະຕິປັນຍາເຂົ້າໃນພາລະກິດຕໍ່ສູ້ປົດປ່ອຍ ແລະ ປົກປັກຮັກສາສ້າງສາພັດທະນາປະເທດຊາດເປັນເວລາຍາວນານທັງເປັນການເສີມຂະຫຍາຍມູນເຊື້ອທາດແທ້ປະຕິບັດຂອງພະນັກງານນັກຮົບທີ່ໄດ້ເຄື່ອນໃຫວຕໍ່ສູ້ຢ່າງລະອິດລະອຽ້ວ, ດ້ວຍນໍ້າໃຈພິລະອາດຫານ.

      ໃນຕອນເຊົ້າຂອງວັນທີ 26 ພຶດສະພາ 2017  ເວລາ 08: 00 ໂມງ ຢູທີ່ສະໂມສອນເມືອງສັງທອງໄດ້ມີພິທີປາຖະກະຖາໂຄສະນາເຜິຍແຜ່ການອະນຸລັກ ແລະ ສົ່ງເສີມມູນເຊື້ອວັດທະນະທຳອັນດີງາມຂອງແມ່ຍິງລາວຂື້ນ ພາຍໃຕການເປັນປະທານຂອງ ທ່ານ ຄຳໝູນ ຕຽງທະລາດ ຄະນະບໍລິຫານງານພັກນະຄອນຫລວງວຽງຈັນ, ເລຂາພັກ ເຈົ້າເມືອງສັງທອງ, ທ່ານ ນາງ ຄຳໄພ ລັດສະໝີ ຄະນະບໍລິຫານງານພັກ ນວ, ປະທານສະຫະພັນແມ່ຍິງ ນວ ທ່ານ ນາງ ວ່າການຫົວໜ້າກົມໂຄສະນາອົບຮົມສູນກາງແມ່ຍິງລາວ; ຍັງມີບັນດາຄະນະບໍລິຫານງານແມ່ຍິງ, ສະຫະພັນແມ່ຍິງບ້ານ ແລະ ໜ່ວຍແມ່ຍິງອ້ອມຂ້າງພ້ອມດ້ວຍສະມາຊິກເຂົ້າຮ່ວມທັງໜົດ 194 ສະຫາຍ.

ໃນວັນທີ 4 ພຶດສະພາ 2017; ເວລາ 09:30 ທີ່ຫ້ອງປະຊຸມຫ້ອງວ່າການປົກຄອງເມືອງສັງທອງ ໄດ້ເປີດກອງປະຊຸມປືກສາຫາລື ແລະ ປະເມີນ ກ່ຽວກັບການນຳໃຊ້ສູນຂໍ້ມູນຂ່າວສານຢູ່ເມືອງສັງທອງ ໂດຍພາຍໃຕ້ການເປັນປະທານຂອງທ່ານ ບົວຄຳ ສີສົງຄາມ ຮອງເລຂາພັກ, ຮອງເຈົ້າເມືອງເມືອງສັງທອງ, ຄະນະພະແນກ-ຮອງພະແນກ ພ້ອມດ້ວຍວິຊາການຈາກ ພະແນກ ປທສ ນະຄອນຫລວງວຽງຈັນ ຈຳນວນ 05 ຄົນ, ຄະນະພະແນກ ແລະ ວິຊາການຈາກສູນບໍລິຫານລັດຜູ້ຮັບຜິດຊອບວຽກງານລົງເຮັດການສຳຫຼວດ ຈຳນວນ 04 ຄົນ ແລະ ໜ່ວຍງານ ປທສ ເມືອງ ແລະ ບ້ານ ນາຈະເລີນເຂົ້າຮ່ວມຈຳນວນ 04 ຄົນ.

         ໃນວັນທີ 8 ພຶດສະພາ 2017  ເວລາ 09:30  ​ຢູ່​ທີ​ຫ້ອງປະຊຸມຫ້ອງ​ວ່າການ​​ເມືອງສັງ​ທອງ​ໄດ້​ຈັດ​ພິທີ​ຕ້ອນຮັບ ທ່ານ ທອງໄຊ ອາດຜາສຸກ ຮອງ​ເຈົ້າ​ເມືອງ​ຫລວງນຳ້ທາ ​ແຂວງ​ ຫລວງນຳ້ທາ ພ້ອມ​ດ້ວຍ​ຄະນະ ​ໃຫ້​ກຽດ​ຕ້ອນຮັບ​ໂດຍ ທ່ານ ພົງສະຫວັນ ສີລິພັນ ຮອງເຈົ້າເມືອງສັງທອງພ້ອມດ້ວຍການນຳເມືອງເຂົ້າ​ຮ່ວມ​ຖອດຖອນບົດຮຽນໃນການຈັດຕັ້ງປະຕິບັດທາງດ້ານການຜະລິດຕະພັນເຝີນີເຈີ ແລະ ຫັດຖະກຳໄມ້ປ່ອງ

          ໃນການກອງປະຊຸມທ່ານ ຫົວໜ້າກຸ່ມຫັດຖະກຳໄມ້ປ່ອງ ເມືອງສັງທອງ ໄດ້ສະເໜີປະຫັວດຄວາມເປັນມາ ແລະ ຜົນໄດ້ຮັບ ຂອງກຸ່ມຜະລິດຕະພັນເຝີນີເຈີ ແລະ ຫັດຖະກຳໄມ້ປ່ອງ ນອກຈາກນີ້ນຍັງໄດ້ຖາມ-ຕອບແລກປ່ຽນບົດຮຽນ ແລະ ໄດ້ລົງຢ້ຽມຢາມເບິ່ງຮ້ານຂາຍຜະລິດຕະພັນໄມ້ປ່ອງ ບ້ານເພຍລາດ; ໃນຕອນບາຍໄດ້ລົງຢ້ຽມຢາມກຸ່ຜະລິດຕະພັນໄມ້ປ່ອງບ້ານ ນາປໍ ແລະ ບ້ານ ນາໝ້ຽງ ຈາກນັ້ນກໍ່ເດີນທາງກັບ ນະຄອນຫລວງວຽງຈັນ.

          ພິທີປິດການຮຽນການສອນຫຼັກສູດກົດໝາຍຊັ້ນຕົ້ນ ຊຸດທີ VII ປີ 2017 ຈັດຂື້ນຢູ່ທີ່ສະໂມສອນເມືອງ ດັ່ງກ່າວໃນວັນທີ 4  ພຶດສະພາ 2017 ໂດຍເປັນປະທານ ຂອງທ່ານ ຄໍາໜູນ ຕຽງທະລາດ ເຈົ້າເມືອງ ເມືອງສັງທອງ ໃນນັ້ນມີພະແນກຍຸດຕິທຳ ນະຄອນຫຼວງວຽງຈັນ ຫົວໜ້າ ຫ້ອງການອ້ອມຂ້າງ ເລຂາພັກ,ນາຍບ້ານ ພ້ອມດ້ວຍນັກສຶກສາກົດໝາຍຊັ້ນຕົ້ນເຂົ້າຮ່ວມ