ເສີມຂະຫຍາຍ ມູນເຊື້ອເມືອງວິລະຊົນ ພັດທະນາເມືອງສັງທອງ ໃຫ້ເຂັ້ມແຂງຮອບດ້ານ, ສ້າງໃຫ້ເປັນເມືອງກະສິກຳສະອາດ, ຕິດພັນກັບການທ່ອງທ່ຽວທຳມະຊາດຕາມທິດແບບຢືນຢົງ    Recognize The exemplary life of traditiones political leaders, Create a strong and self-reliant District with highly productive farms and Natural Resources linked to Ecotourism in The context of Sustainable Development.

ພິທີມອບນາມມະຍົດຄອບຄົວ ແລະ ບ້ານປ້ອງກັນຊາດເຂັ້ມແຂງ(2018-12-26)

       ໃນວັນທີ 26 ທັນວາ 208 ກອງບັນຊາການທະຫານເມືອງຈັດພິທີມອບນາມມະຍົດຄອບຄົວ ແລະ ບ້ານປ້ອງກັນຊາດເຂັ້ມແຂງ ຈຳນວນ 2 ບ້ານຄື້ບ້ານ ຫວ້ຍຫລ້າ ແລະ ບ້ານ ຫວ້ຍຫາງເມືອງສັງທອງ ຢູ່ທີ່ຫ້ອງການບ້ານຫວ້ຍຫລ້າ ພາຍໃຕ້ການເປັນປະທານຂອງທ່ານເລຂາພັກເມືອງ ເຈົ້າເມືອງສັງທອງມີບັນດາຄະນປະຈຳພັກ, ຄະນະພັກ, ຫົວໜ້າຫ້ອງການ ແລະ ບ້ານອ້ອມຂ້າງເຂົ້າຮ່ວມ ພິທີດັ່ງກ່າວ

 

ອ່ານຕໍ່ >>

ຊາວໜຸ່ມ ເມືອງ ສັງທອງ ຈັດພິທີຮັບມະຫາຊົນຜູ້ກ່າວໜ້າ ເຂົ້າເປັນ ສະມາຊິກເຍົາວະຊົນ,ອະນຸຊົນທັນວາ 926 ນ້ອງ.(2018-12-24)

     ເພື່ອເປັນການ ສ້າງຂະບວນການຄຳນັບຊົມເຊີຍວັນສະຖາປະນາ ສປປ ລາວ ຄົບຮອບ 43 ປີ ແລະ ວັນຄາຍວັນເກີດ ຂອງທ່ານ ປະທານ ໄກສອນ  ພົມວິຫານ ຄົບຮອບ 98 ປີ

ອ່ານຕໍ່ >>

ໂຮງໝໍ ແລະ ສຸກສາລາ ເມືອງ ສັງທອງ ໂດ້ຮັບການຊ່ວຍເຫຼືອ.(2018-12-20)

ພິທີ - ມອບຮັບ ເຄື່ອງມືຊ່ວຍເຫຼືອອຸປະກອນການແພດຈາກທີມງານຄາລາວານ ລົດຖີບປັນຈາກໄທໄປລາວ ກ່າວມອບໂດຍ ທ່ານ ສະໜົມ ກອງສີ ຫົວໜ້າຄະນະຮັບຜິດຊອບ ປຸກລະດົມທຶນສາທາ ລະນະສຸກ ເມືອງ ສັງຄົມ ແຂວງ ໜອງຄາຍ ຣາຊາອານາຈັກໄທ ແລະ ກ່າວຮັບ ໂດຍ ທ່ານ ບົວຄຳ ສີສົງຄາມ ຮອງເລຂາພັກເມືອງ, ຮອງເຈົ້າເມືອງສັງທອງ ມີບັນດາຕ່າງໜ້າພະແນກສາທາລະນະສຸກ ນະຄອນຫຼວງວຽງຈັນ, ຫົວໜ້າຫ້ອງການອ້ອມຂ້າງເມືອງ ພ້ອມດ້ວຍນັກກິລາຖີບລົດ ພາຍໃນ ແລະ ຕ່າງປະເທດ ແລະ ພາກສ່ວນກ່ຽວຂ້ອງ ເຂົ້າຮ່ວມຢ່າງພ້ອມພຽງ.

      ເຄື່ອງທີ່ນໍາມາມອບໃນຄັ້ງນີ້ມີ: ເຄື່ອງວັດແທກຄວາມດັນດີຈິຕ້ອນ 5 ເຄື່ອງ, ເຕົາອົບຂ້າເຊື້ອ 1 ເຄື່ອງ, ເຄື່ອງຜະລິດອົກຊີເຈນ 1 ເຄື່ອງ, ລໍ້ຍູ້ຄົນເຈັບແບບພັບໄດ້ 1 ຄັນ, ເຄື່ອງແທກອຸນນະພູມແບບອິນຟາເຫຼດ 5 ເຄື່ອງ, ຕຽງສຳລັບນອນເກີດລູກມືສອງ 1 ໜ່ວຍ, ລໍ້ຍູ້ຄົນເຈັບ 2 ຄັນ, ຕຽງກວດທ້ອງແມ່ມານ 1 ໜ່ວຍ, ຊີງຊັ່ງນໍ້າໜັກ 2 ໜ່ວຍ ລວມມູນຄ່າທັງໝົດ 27 ລ້ານກວ່າກີບ.

       ທັງນີ້ກໍ່ເພື່ອເປັນການສ້າງສາຍສໍາພັນລະຫ່ວາງບ້ານກ້ຽງເຮືອນຄຽງໃຫ້ມີຄວາມຮັດແໜ້ນສາມັກ ຄີຊ່ວຍເຫຼືອເຊິ່ງກັນ ແລະ ກັນ ເພື່ອລະດົມທຶນໃນການຊ່ວຍເຫຼືອອຸປະກອນການແພດໃຫ້ແກ່ ໂຮງໝໍ ແລະ ສຸກສາລາ  ພາຍໃນເມືອງສັງທອງ ເພື່ອການປິ່ນປົວຄົນເຈັບໃຫ້ມີຄວາມທັນສະໄໝ ແລະ ວ່ອງໄວ ທັງເປັນການອອກກຳລັງກາຍໃຫ້ມີສຸກຂະພາບແຂງແຮງໃຫ້ຫ່າງໄກຢາເສບຕິດ ແລະ ທັງເປັນການຖີບລົດທ່ອງທ່ຽວ ເມືອງສັງທອງ ໃນປີທ່ອງທ່ຽວລາວ ຈັດຂຶ້ນໃນວັນທີ 15 ທັນວາ 2018 ໃນທ້າຍອາທິດທີ່ຜ່ານມາຢູ່ທີສະໂມສອນເມືອງດັ່ງກ່າວ.

ອ່ານຕໍ່ >>

ພີທີເປີດໂຄງການກໍ່ສ້າງຫໍພັກຄູ ແລະ ຫໍພັກນັກຮຽນບ້ານ ຊໍ້(2018-12-14)

ພີທີເປີດໂຄງການກໍ່ສ້າງຫໍພັກຄູ ແລະຫໍພັກນັກຮຽນບ້ານ ຊໍ້ ເມືອງ ສັງທອງ ນະຄອນຫຼວງວຽງຈັນ, ຈັດຂຶ້ນໃນຕອນບ່າຍຂອງວັນທີ 12 ທັນວາ 2018 ຢູ່ທີເດີນໂຮງຮຽນມັດທະຍົມ ມສ ສັງໄຊ ຂອງບ້ານດັ່ງກ່າວພາຍໃຕ້ເປັນປະທານຂອງທ່ານ ດາວເພັດ ອາລຸນ ເລຂາພັກເມືອງ ເຈົ້າເມືອງເມືອງ ສັງທອງ, ໂດຍການເຂົ້າຮ່ວມຂອງທ່ານ ສີຫຸນ ສິດທິລຶໄຊ ຮອງເຈົ້າຄອງນະຄອນຫຼວງວຽງຈັນ ທ່ານ ບຸນທ່ຽງ ຂຸນສີ ຄະນະປະຈຳພັກນະຄອນຫຼວງວຽງຈັັນ ປະທານແນວລາວສ້າງຊາດນະຄອນຫຼວງວຽງຈັນມີບັນດາຕາງໜ້າທີ່ມາຈາກກົມພັດຖະນາຊົນນະບົດ ແລະສະຫະກອນ ກະຊວງ ກະສິກຳ ແລະປ່າໄມ້, ສູນສາກົນເພື່ອຫຼຸດຜ່ອນຄວາມທຸກຍາກ ສປ ຈີນ, ຫ້ອງການແກ້ໄຂຄວາມທຸກຍາກແຂວງກວາງຊີ ສ ປ ຈີນ ພ້ອມດ້ວຍການນຳຂັ້ນເມືອງ ສັງທອງ ແລະພາກສ່ວນກ່ຽວຂ້ອງເຂົົ້າຮ່ວມຢ່າງຫຼວງຫຼາຍ.

ໂຄງການທົດລອງຮ່ວມມືແກ້ໄຂຄວາມທຸກຍາກ ລາວ-ຈີນ ເປັນໂຄງການຮ່ວມມືລະຫວ່າງລັດຖະບານ ສາທາລະນະລັດ ປະຊາທິປະໄຕ ປະຊາຊົນລາວ ກັບ ລັດຖະບານ ສປ ຈີນ ເຊິ່ງຈະເລີ່ມຈັດຕັ້ງປະຕິບັດລົງມືການກໍ່ສ້າງນັບແຕ່ເດືອນ ທັນວາ 2018 ເປັນຕົ້ນເປັນເວລາ 5 ເດືອນ, ໃຫ້ສຳເລັດ 100% ເປັນ ສອງອາຄານ ອາຄານທີ່ 1 ແມ່ນຫໍພັກຄູ ແລະອາຄານທີ່ 2 ແມ່ນຫໍພັກນັກຮຽນ ທັງສອງອາຄານນີ້ແມ່ນມີຂະໜາດ 9 X 32 m ເທົ່ານັ້ນ, ອາຄານລະ 8 ຫ້ອງເປັນອາຄານຊັ້ນດຽວ ມຸ່ງດ້ວຍກະເບື່ອງ, ກໍ່ດ້ວຍດິນຈີ່ ແລະປູດ້ວຍກະໂລ້ ຢູ່ພາຍໃນຫ້ອງແຕ່ລະຫ້ອງແມ່ນໄດ້ຕິດຕັ້ງພັດລົມ ແລະອຸປະກອນຮັບໃຊ້ຢ່າງຄົບຊຸດ ເຊິ່ງເປັນບໍລິສັດໄຊຄູນຊັບ ແລະ ສ້ອມແປງເຄຫາສະຖານຈຳກັດເປັນຜູ້ຮັບເໜົາກໍ່ສ້າງ ລວມມູນຄ່າ 1,000,000,000 ກີບ ( ໜື່ງຕື້ກີບຖ້ວນ )   ໃນການກໍ່ສ້າງທັງໝົດ.

ອ່ານຕໍ່ >>

ເມືອງສັງທອງສາທິດການລ້ຽງງົວເປັນຟາມຂະໜາດນ້ອຍ(2018-12-04)

     ພິທີສາທິດທົດລອງການລ້ຽງງົວເປັນຟາມຂອງຊາວກະຊິກອນຂະໜາດນ້ອຍຂອງໂຄງການຄຸນນະພາບຊີ້ນງົວລາວຈັດຂື້ນໃນວັນທີ 29 ພະຈິກ 2018 ທີ່ຜ່ານມາຢູ່ທີ່ຟາມຂອງທ່ານ ພອນແກ້ວ ບ້ານຫີນລັບ ໂດຍເປັນກຽດເຂົ້າຮ່ວມຂອງທ່ານ ບົວຄຳ ສີສົງຄາມ ຮອງເຈົ້າເມືອງ,​ທ່ານ ດຣ ສີສະຫວັດ ສິນທະວີ ຮອງຫົວໜ້າພະແນກກະສິກຳແລະປ່າ ນະຄອນຫລວງວຽງຈັນ, ທ່ານ ພັນທະວົງ ວົງສຳພັນ ຄະນະຊີ້ນຳ ແລະ ຜູ້ປະສານງານໂຄງການຄຸນະພາບຊີ້ນງົວລາວ (ນິວຊີແລນ) ມີບັນດາຂະແໜ່ງການທີ່ກ່ຽວ ຂ້ອງມາຈາກນະຄອນຫລວງວຽງຈັນ ແລະ ພະນັກງານວິຊາການຂອງຫ້ອງການກະສິກຳ ແລະ ປ່າໄມ້ເມືອງ, ຕະຫລອດຮອດຊາວບ້ານຜູ້ລ້ຽງງົວທົ່ວເມືອງເຂົ້າຮ່ວມ

ອ່ານຕໍ່ >>

ຮຮ ມສ ສັງໄຊໄດ້ຮັບການຊ່ວຍເຫລືອ(2018-12-04)

     ພິທີມອບ-ມອບຮັບອຸປະກອນການຮຽນການສອນໃຫ້ແກ່ໂຮງຮຽນມັດທະຍົມສົມບູນບ້ານຊໍ້ ເມືອງສັງທອງ ຂອງໂຄງການຮ່ວມມືແກ້ໄຂຄວາມທຸກຍາກລາວ-ຈີນມີຂື້ນໃນວັນທີ 28 ພະຈິກ 2018ທີ່ຜ່ານມາຢູ່ທີ່ໂຮງຮຽນດັ່ງກ່າວເຄຶ່ອງທີ່ນຳມາມອບໃນຄັ້ງນີ້ມີມູນຄ່າ 80 ກ່ວາລ້ານກີບ ກາ່ວມອບໂດຍ

ອ່ານຕໍ່ >>

ມອບ-ຮັບໜ້າທີ່ຫົວໜ້າຫ້ອງການ ຍທຂ ເມືອງສັງທອງຜູ້ໃໝ່(2018-11-30)

     ພິທີມອບຮັບໜ້າທີ່ຫົວໜ້າຫ້ອງການໂຍທາທິການ ແລະ ຂົນສົ່ງເມືອງສັງທອງ ຜູ້ເກົ່າ ແລະ ຜູ້ໃໝ່ຈັດຂື້ນໃນວັນທີ 28 ພະຈິກ 2018 ຢູ່ສຳນັກງານປົກຄອງເມືອງ ໂດຍເປັນກຽດເຂົ້າຮ່ວມຂອງທ່ານ ດາວເພັດ ອາລຸນ ເລຂາພັກເມືອງ,​ເຈົ້າເມືອງສັງທອງ,​ ມີບັນດາພະແນກການທີ່ກ່ຽວຂ້ອງຈາກນະຄອນຫລວງວຽງຈັນ ແລະ ຫົວໜ້າຫ້ອງການອ້ອມຂ້າງເມືອງເຂົ້າຮ່ວມ

ອ່ານຕໍ່ >>

ເມືອງສັງທອງຈັດຝືກອົບຮົມວຽກງານບໍລິຫານຜ່ານປະຕູດຽວ(2018-11-30)

      ການຈັດຝືກອົບຮົມວຽກງານບໍລິຫານຜ່ານປະຕູດຽວຂອງເມືອງສັງທອງຈັດຂື້ນໃນລະຫວ່າງວັນທີ 30ພະຈິກ 2018 ຢູ່ທີສຳນັກງານປົກຄອງເມືອງໂດຍການເຂົ້າຮ່ວມພິທີຂອງທ່ານ ນາງ ແກ້ວ ພົມມະລາດ ຮອງເລຂາພັກເມືອງ, ຮອງເຈົ້າເມືອງສັງທອງ, ທ່ານ ບຸນຈັນ ນິຍະວົງ ຮອງຫົວໜ້າກົມການປົກຄອງທ່ອງຖິ່ນກະຊວງພາຍໃນ ໃນນັ້ນມີບັນດາທີມງານຄູຝຶກທີ່ມາຈາກພະແນກພາຍໃນ ແລະ ນັກສຳມະນາກອນຈາກຫ້ອງການກ່ຽວຂ້ອງເມືອງສັງທອງເຂົ້າຮ່ວມ

ອ່ານຕໍ່ >>

                           

ແຈ້ງການ

ຈຳນວນຜູ້ເຂົ້າຊົມ

»  2   ອອນໄລ
»  7 ມື້ນີ້
»  11 ມື້ວານນີ້
»  27ອາທິດນີ້
»  202 ເດືອນນີ້
»  3646 ປີນີ້
»  22719 ທັງໜົດ

ປະຕິທີນ

Aug-2019
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ສະຫງວນລິຂະສິດ © ສຳນັກງານປົກຄອງເມືອງສັງທອງ.
ທີ່ຢູ່: ບ້ານເພຍລາດ ເມືອງສັງທອງ ນະຄອນຫຼວງວຽງຈັນ ສປປ ລາວ. ໂທລະສັບ 021 673003 ແຟັກ: 021 673002

ອີເມວ: sangthongcity2016@gmail.com     ເວບໄຊ: www.sangthong.gov.la