ພິທີປະຖະກະຖາທົນຄືນມູນເຊື້ອວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ( 20 ມັງ ກອນ 1949 – 20 ມັງກອນ 2019) ຈັດຂຶ້ນໃນວັນທີ 17 ມັງກອນ 2019 ທີ່ສະໂມສອນເມືອງດັ່ງກ່າວ ໂດຍໃຫ້ກຽດເປັນປະທານ ແລະ ປາຖະກະຖາຂອງ ທ່ານ ຄຳພາວ ໂພຂາວ ຮອງຫົວໜ້າໂຄສະນາ ນະຄອນຫຼວງວຽງຈັນ ໃນນັ້ນມີບັນດາພະນັກງານຫຼັກແຫຼ່ງສະມາຊິກພັກຫົວໜ້າຫ້ອງການອ້ອມຂ້າງ, ພະນັກງານອາວຸດໂສບຳນານ ຕະຫຼອດຮອດເລຂາພັກບ້ານ ນາຍບ້ານທົ່ວເມືອງເຂົ້າຮ່ວມ

      ພິທີທຳລາຍສິນຄ້າເຊື່ອມຄຸນ ແລະ ສິນຄ້າຕ້ອງຫ້າມຈັດຂື້ນໃນວັນທີ່28 ທັນວາ 2018ຜ່ານມາຢູທີ່ຫ້ອງການອຸສາຫະກຳ ແລະ ການຄ້າເມືອງດັ່ງກ່າວໃຫ້ກຽດເຂົ້າຮ່ວມພິທີຂອງທ່ານບົວຄຳ ສີສົງຄາມ ຮອງເຈົ້າເມືອງສັງທອງ, ທ່ານສົມປະສົງ ສະຫງວນວົງ ຮອງຫົວໜ້າພະແນກອຸສາຫະກຳ ແລະ ການຄ້າ ນະຄອນຫລວງວຽງຈັນ ມີບັນດາຫົວໜ້າຫ້ອງການອ້ອມຂ້າງເມືອງ ຂະແໜ່ງການທີ່ກ່ຽວຂ້ອງຂອງເມືອງເຂົ້າຮ່ວມຢ່າງພ້ອມພຽງ

      ໃນວັນທີ27 ທັນວາ 2018 ເຈົ້າເມືອງສັງທອງ, ຫ້ອງການກະສິກຳ ແລະປ່າໄມ້ລົງມອບພັນພຶດໃຫ້ບ້ານ ແລະຄອບຄົວທີ່ຖຶກໄພພິບັດ

       ໃນວັນທີ 26 ທັນວາ 208 ກອງບັນຊາການທະຫານເມືອງຈັດພິທີມອບນາມມະຍົດຄອບຄົວ ແລະ ບ້ານປ້ອງກັນຊາດເຂັ້ມແຂງ ຈຳນວນ 2 ບ້ານຄື້ບ້ານ ຫວ້ຍຫລ້າ ແລະ ບ້ານ ຫວ້ຍຫາງເມືອງສັງທອງ ຢູ່ທີ່ຫ້ອງການບ້ານຫວ້ຍຫລ້າ ພາຍໃຕ້ການເປັນປະທານຂອງທ່ານເລຂາພັກເມືອງ ເຈົ້າເມືອງສັງທອງມີບັນດາຄະນປະຈຳພັກ, ຄະນະພັກ, ຫົວໜ້າຫ້ອງການ ແລະ ບ້ານອ້ອມຂ້າງເຂົ້າຮ່ວມ ພິທີດັ່ງກ່າວ

     ເພື່ອເປັນການ ສ້າງຂະບວນການຄຳນັບຊົມເຊີຍວັນສະຖາປະນາ ສປປ ລາວ ຄົບຮອບ 43 ປີ ແລະ ວັນຄາຍວັນເກີດ ຂອງທ່ານ ປະທານ ໄກສອນ  ພົມວິຫານ ຄົບຮອບ 98 ປີ

ພິທີ - ມອບຮັບ ເຄື່ອງມືຊ່ວຍເຫຼືອອຸປະກອນການແພດຈາກທີມງານຄາລາວານ ລົດຖີບປັນຈາກໄທໄປລາວ ກ່າວມອບໂດຍ ທ່ານ ສະໜົມ ກອງສີ ຫົວໜ້າຄະນະຮັບຜິດຊອບ ປຸກລະດົມທຶນສາທາ ລະນະສຸກ ເມືອງ ສັງຄົມ ແຂວງ ໜອງຄາຍ ຣາຊາອານາຈັກໄທ ແລະ ກ່າວຮັບ ໂດຍ ທ່ານ ບົວຄຳ ສີສົງຄາມ ຮອງເລຂາພັກເມືອງ, ຮອງເຈົ້າເມືອງສັງທອງ ມີບັນດາຕ່າງໜ້າພະແນກສາທາລະນະສຸກ ນະຄອນຫຼວງວຽງຈັນ, ຫົວໜ້າຫ້ອງການອ້ອມຂ້າງເມືອງ ພ້ອມດ້ວຍນັກກິລາຖີບລົດ ພາຍໃນ ແລະ ຕ່າງປະເທດ ແລະ ພາກສ່ວນກ່ຽວຂ້ອງ ເຂົ້າຮ່ວມຢ່າງພ້ອມພຽງ.

      ເຄື່ອງທີ່ນໍາມາມອບໃນຄັ້ງນີ້ມີ: ເຄື່ອງວັດແທກຄວາມດັນດີຈິຕ້ອນ 5 ເຄື່ອງ, ເຕົາອົບຂ້າເຊື້ອ 1 ເຄື່ອງ, ເຄື່ອງຜະລິດອົກຊີເຈນ 1 ເຄື່ອງ, ລໍ້ຍູ້ຄົນເຈັບແບບພັບໄດ້ 1 ຄັນ, ເຄື່ອງແທກອຸນນະພູມແບບອິນຟາເຫຼດ 5 ເຄື່ອງ, ຕຽງສຳລັບນອນເກີດລູກມືສອງ 1 ໜ່ວຍ, ລໍ້ຍູ້ຄົນເຈັບ 2 ຄັນ, ຕຽງກວດທ້ອງແມ່ມານ 1 ໜ່ວຍ, ຊີງຊັ່ງນໍ້າໜັກ 2 ໜ່ວຍ ລວມມູນຄ່າທັງໝົດ 27 ລ້ານກວ່າກີບ.

       ທັງນີ້ກໍ່ເພື່ອເປັນການສ້າງສາຍສໍາພັນລະຫ່ວາງບ້ານກ້ຽງເຮືອນຄຽງໃຫ້ມີຄວາມຮັດແໜ້ນສາມັກ ຄີຊ່ວຍເຫຼືອເຊິ່ງກັນ ແລະ ກັນ ເພື່ອລະດົມທຶນໃນການຊ່ວຍເຫຼືອອຸປະກອນການແພດໃຫ້ແກ່ ໂຮງໝໍ ແລະ ສຸກສາລາ  ພາຍໃນເມືອງສັງທອງ ເພື່ອການປິ່ນປົວຄົນເຈັບໃຫ້ມີຄວາມທັນສະໄໝ ແລະ ວ່ອງໄວ ທັງເປັນການອອກກຳລັງກາຍໃຫ້ມີສຸກຂະພາບແຂງແຮງໃຫ້ຫ່າງໄກຢາເສບຕິດ ແລະ ທັງເປັນການຖີບລົດທ່ອງທ່ຽວ ເມືອງສັງທອງ ໃນປີທ່ອງທ່ຽວລາວ ຈັດຂຶ້ນໃນວັນທີ 15 ທັນວາ 2018 ໃນທ້າຍອາທິດທີ່ຜ່ານມາຢູ່ທີສະໂມສອນເມືອງດັ່ງກ່າວ.

ພີທີເປີດໂຄງການກໍ່ສ້າງຫໍພັກຄູ ແລະຫໍພັກນັກຮຽນບ້ານ ຊໍ້ ເມືອງ ສັງທອງ ນະຄອນຫຼວງວຽງຈັນ, ຈັດຂຶ້ນໃນຕອນບ່າຍຂອງວັນທີ 12 ທັນວາ 2018 ຢູ່ທີເດີນໂຮງຮຽນມັດທະຍົມ ມສ ສັງໄຊ ຂອງບ້ານດັ່ງກ່າວພາຍໃຕ້ເປັນປະທານຂອງທ່ານ ດາວເພັດ ອາລຸນ ເລຂາພັກເມືອງ ເຈົ້າເມືອງເມືອງ ສັງທອງ, ໂດຍການເຂົ້າຮ່ວມຂອງທ່ານ ສີຫຸນ ສິດທິລຶໄຊ ຮອງເຈົ້າຄອງນະຄອນຫຼວງວຽງຈັນ ທ່ານ ບຸນທ່ຽງ ຂຸນສີ ຄະນະປະຈຳພັກນະຄອນຫຼວງວຽງຈັັນ ປະທານແນວລາວສ້າງຊາດນະຄອນຫຼວງວຽງຈັນມີບັນດາຕາງໜ້າທີ່ມາຈາກກົມພັດຖະນາຊົນນະບົດ ແລະສະຫະກອນ ກະຊວງ ກະສິກຳ ແລະປ່າໄມ້, ສູນສາກົນເພື່ອຫຼຸດຜ່ອນຄວາມທຸກຍາກ ສປ ຈີນ, ຫ້ອງການແກ້ໄຂຄວາມທຸກຍາກແຂວງກວາງຊີ ສ ປ ຈີນ ພ້ອມດ້ວຍການນຳຂັ້ນເມືອງ ສັງທອງ ແລະພາກສ່ວນກ່ຽວຂ້ອງເຂົົ້າຮ່ວມຢ່າງຫຼວງຫຼາຍ.

ໂຄງການທົດລອງຮ່ວມມືແກ້ໄຂຄວາມທຸກຍາກ ລາວ-ຈີນ ເປັນໂຄງການຮ່ວມມືລະຫວ່າງລັດຖະບານ ສາທາລະນະລັດ ປະຊາທິປະໄຕ ປະຊາຊົນລາວ ກັບ ລັດຖະບານ ສປ ຈີນ ເຊິ່ງຈະເລີ່ມຈັດຕັ້ງປະຕິບັດລົງມືການກໍ່ສ້າງນັບແຕ່ເດືອນ ທັນວາ 2018 ເປັນຕົ້ນເປັນເວລາ 5 ເດືອນ, ໃຫ້ສຳເລັດ 100% ເປັນ ສອງອາຄານ ອາຄານທີ່ 1 ແມ່ນຫໍພັກຄູ ແລະອາຄານທີ່ 2 ແມ່ນຫໍພັກນັກຮຽນ ທັງສອງອາຄານນີ້ແມ່ນມີຂະໜາດ 9 X 32 m ເທົ່ານັ້ນ, ອາຄານລະ 8 ຫ້ອງເປັນອາຄານຊັ້ນດຽວ ມຸ່ງດ້ວຍກະເບື່ອງ, ກໍ່ດ້ວຍດິນຈີ່ ແລະປູດ້ວຍກະໂລ້ ຢູ່ພາຍໃນຫ້ອງແຕ່ລະຫ້ອງແມ່ນໄດ້ຕິດຕັ້ງພັດລົມ ແລະອຸປະກອນຮັບໃຊ້ຢ່າງຄົບຊຸດ ເຊິ່ງເປັນບໍລິສັດໄຊຄູນຊັບ ແລະ ສ້ອມແປງເຄຫາສະຖານຈຳກັດເປັນຜູ້ຮັບເໜົາກໍ່ສ້າງ ລວມມູນຄ່າ 1,000,000,000 ກີບ ( ໜື່ງຕື້ກີບຖ້ວນ )   ໃນການກໍ່ສ້າງທັງໝົດ.

     ພິທີສາທິດທົດລອງການລ້ຽງງົວເປັນຟາມຂອງຊາວກະຊິກອນຂະໜາດນ້ອຍຂອງໂຄງການຄຸນນະພາບຊີ້ນງົວລາວຈັດຂື້ນໃນວັນທີ 29 ພະຈິກ 2018 ທີ່ຜ່ານມາຢູ່ທີ່ຟາມຂອງທ່ານ ພອນແກ້ວ ບ້ານຫີນລັບ ໂດຍເປັນກຽດເຂົ້າຮ່ວມຂອງທ່ານ ບົວຄຳ ສີສົງຄາມ ຮອງເຈົ້າເມືອງ,​ທ່ານ ດຣ ສີສະຫວັດ ສິນທະວີ ຮອງຫົວໜ້າພະແນກກະສິກຳແລະປ່າ ນະຄອນຫລວງວຽງຈັນ, ທ່ານ ພັນທະວົງ ວົງສຳພັນ ຄະນະຊີ້ນຳ ແລະ ຜູ້ປະສານງານໂຄງການຄຸນະພາບຊີ້ນງົວລາວ (ນິວຊີແລນ) ມີບັນດາຂະແໜ່ງການທີ່ກ່ຽວ ຂ້ອງມາຈາກນະຄອນຫລວງວຽງຈັນ ແລະ ພະນັກງານວິຊາການຂອງຫ້ອງການກະສິກຳ ແລະ ປ່າໄມ້ເມືອງ, ຕະຫລອດຮອດຊາວບ້ານຜູ້ລ້ຽງງົວທົ່ວເມືອງເຂົ້າຮ່ວມ