ເສີມຂະຫຍາຍ ມູນເຊື້ອເມືອງວິລະຊົນ ພັດທະນາເມືອງສັງທອງ ໃຫ້ເຂັ້ມແຂງຮອບດ້ານ, ສ້າງໃຫ້ເປັນເມືອງກະສິກຳສະອາດ, ຕິດພັນກັບການທ່ອງທ່ຽວທຳມະຊາດຕາມທິດແບບຢືນຢົງ    Recognize The exemplary life of traditiones political leaders, Create a strong and self-reliant District with highly productive farms and Natural Resources linked to Ecotourism in The context of Sustainable Development.

ເມືອງສັງທອງ ແລະ ເມືອງສີໂຄດຕະບອງສ້າງຂະບວນການແຂ່ງຂັນກິລາ ມິດຕະພາບ(2018-11-19)

     ເມືອງສັງທອງໄດ້ຈັດກິດຈະກຳເຕະບານມິດຕະພາບເສີມຂະຫຍາຍສາຍພົວພັນລະຫວ່າງເມືອງສັງທອງກັບເມືອງສີໂຄດຕະບອງໄດ້ຈັດຂື້ນໃນວັນທີ 15 ພະຈິກ 2018 ຢູ່ທີ່ເດີນໂຮງຮຽນປະຖົມ

ອ່ານຕໍ່ >>

ເມືອງສັງທອງເປີດຂະບວນການສັກຢາກັນພະຍາດສັດປະຈຳປີ2018(2018-11-19)

      ພິທີສັກຢາກັນພະຍາດສັດແຫ່ງຊາດ 11 ພະຈິກ 2018 ຈັດຂື້ນທີ່ບາ້ານໄຮ່ໃຕ້ ເມືອງສັງທອງ ນະຄອນຫລວງວຽງຈັນ ໃນວັນທີ13 ພະຈິກ 2018 ຜ່ານມາ ໂດຍໃຫ້ກຽດເປັນທານ ຂອງທ່ານ ນາງໄພທູນ ອ່າງມັດສາ ຄະນະປະຈຳພັກ, ປະທານກວດກາພັກ-ລັດ, ທ່ານແສງອາລຸນ ສຸລິຍະວົງ ຮອງຫົວໜ້າພະແນກກະສິກຳ ແລະ ປ່າໄມ້ ນະຄອນຫລວງວຽງຈັນ ແລະ ມີບັນດາຫ້ອງການທີ່ກຽ່ວຂ້ອງ, ອຳນາດການປົກຄອງບ້ານ, ພໍ່ແມ່ປະຊາຊົນ ແລະ ນ້ອງນ້ອຍນັກຮຽນບ້ານ ໄຮ່ໃຕ້ເຂົ້າຮ່ວມ

ອ່ານຕໍ່ >>

ຊາວກະສິກອນເມືອງສັງທອງສຸມໃສ່ການມ້ຽນມັດເຂົ້ານາປີ(2018-11-13)

ການເກັບກ່ຽວມຽ້ນມັດເຂົ້ານາປີຂອງຊາວກະສິກອນເມືອງສັງທອງ ນະຄອນຫລວງວຽງຈັນ ກຳລັງສຸມໃສ່ຢ່າງເປັນຂະບວນຟົດຟື້ນເພຶ່ອໃຫ້ທວງທັນກັບລະດູການຜະລິດ.

         ທ່ານ ສົມເດດ ບຸບຜາຄຳຮອງຫົວໜ້າຫ້ອງການກະສິກຳ-ປ່າໄມ້ເມືອງສັງທອງໄດ້ລາຍງານໃນຄັ້ງວັນທີ 5 ພະຈິກ 2018  ໃຫ້ຮູ້ວ່າ ສະພາບການມ້ຽນມັດເຂົ້ານາປີຂອງຊາວກະສິກອນພາຍໃນເມືອງມາຮອດປະຈຸບັນແມ່ນສາມາດປະຕິບັດສຳເລັດແລ້ວ 75% ຂອງຕົວເລກແຜນການ ເຊິ່ງທົ່ວເມືອງມີເນື້ອທີ່ປັກດຳເຂົ້ານາປີທັງໝົດ 8,500 ຮຕ,​ນາຫວາ່ນ 1,750 ຮຕ ສ່ວນສະມັດຕະພາບເຂົ້າແມ່ນ 4,31 ໂຕນ/ຮຕ ຖ້າທຽບໃສ່ປີຜ່ານມາແມ່ນຫລຸດລົງກໍ່ຍ້ອນດີນຟ້າອາກາດບໍເອື້ອອຳນວຍຄວາມສາດວກ, ເກີດມີໄພພິບັດທຳມະຊາດນຳຖ້ວນ, ຫອຍກີນ,​ຝົນບໍ່ຕົກຖືກຕ້ອງຕາມລະດູການ, ການເກັບມ້ຽນມັດເຂົ້ານາປີຂອງຊາວກະສິກອນໃນປີນີ້ຄາດວ່າຈະໃຫ້ສຳເລັດ 100% ໃນກາງເດືອນພະຈິກນີ້ ທ່ານ ສົມເດດ ບຸບຜາຄຳ ຍັງໃຫ້ຕື່ມອີກວ່ານອກຈາກການປູກເຂົ້ານາປີແລ້ວຊາວກະສິກອນຢູ່ເມືອງສັງທອງຍັງໄດ້ສຸມໃສ່ການປູກພຶດສຳຮອງຫລາຍຊະນິດເຊັ່ນ:ໜາກເຜັດ, ໜາກເຂືອ, ສາລີຫວານ, ໜາກແຕງລາຍ, ໜາກແຕງຄັ້ງ, ຖົ່ວຝັກຍາວ ແລະອຶນໆ ໂດຍມີເນື້ອທີ່ທັງໝົດ 555 ຮຕ ເທົ່າກັບ 101% ເພຶ່ອຜະລິດກາຍເປັນສິນຄ້າສາມາດສ້າງລາຍຮັບເຂົ້າສູ່ຄອບຄົວນັບມື້ນັບຫລາຍຂື້ນເປັນກ້າວໆ.

 

ອ່ານຕໍ່ >>

ກອງປະຊຸມອົງຄະນະພັກເມືອງ ສັງທອງ ຄັ້ງວັນທີ 7 ພະຈິກ 2018ໃຫ້ຮູ້ວ່າ ເສດຖະກິດເມືອງ ສັງທອງຈະໄດ້ຮັບການພັດທະນາໃນຫຼາຍດ້ານ.(2018-11-12)

 

ທ້າຍປີ 2018 ເສດຖະກິດເມືອງສັງທອງຈະໄດ້ຮັບການພັດທະນາໃນຫຼາຍດ້ານ

                     

   ທ່ານ ບົວຄຳ  ສີສົງຄາມ ຮອງເຈົ້າເມືອງສັງທອງ ນະຄອນຫຼວງວຽງຈັນ ໄດ້ລາຍງານຕໍ່ກອງປະຊຸມ ອົງຄະນະພັກເມືອງ  ໃນຄັ້ງວັນທີ 7 ພະຈິກ 2018 ໃຫ້ຮູ້ວ່າໃນ 3 ເດືອນທ້າຍປີ 2018 ນີ້. ເສດຖະ ກິດຂອງເມືອງສັງທອງຈະໄດ້ຮັບການພັດທະນາໃນຫຼາຍດ້ານ ໂດຍສະເພາະວຽກງານການເງິນ ຈະສູ້ຊົນ ເກັບລາຍຮັບເຂົ້າງົບປະມານເມືອງໃຫ້ໄດ້ ຈຳນວນ 1,090,933,000 ກີບ, ຂະແໜງກະສິກຳ - ປ່າໄມ້ ໄດ້ເອົາໃຈໃສ່ລົງຕິດຕາມຊຸກຍູ້ການເກັບຜົນຜະລິດເຂົ້ານາປີຂອງ ປະຊາຊົນພາຍໃນເມືອງໃຫ້ ສຳເລັດ ແລະ ລົງຊຸກຍູ້ການຜະລິດລະດູແລ້ງ ສົກປີ 2018 – 2019 ໃຫ້ໄດ້ຕາມຄາດໝາຍເຊັ່ນ: ກຳນົດເນື້ອທີ ການປູກພືດຜັກ, ປູກພືດອຸດສາຫະກຳ ແລະ ເນື້ອທີ່້ເຂົ້ານາແຊງ, ສືບຕໍ່ເຜີຍແຜ່ກົດໝາຍລ້ຽງສັດ,ເຝົ້າລະວັງຕິດຕາມການລະບາດຂອງພະຍາດສັດ ແລະ ລົງຊຸກຍູ້ການສັກຢາປ້ອງກັນພະຍາດສັດ ໃນເມືອງ ໃຫ້ສຳເລັດ 100% ນອກຈາກນັ້ນຍັງໄດ້ສ້ອມແປ້ງຈັກສູບນ້ຳໃນ 5 ສະຖານີ  ແລະ ອ່າງເກັບນໍ້າເພື່ອຮັບຮອງໃນການຜະລິດ ພ້ອມທັງອານາໄມລວງຄອງເໝືອງ ແລະ ຈັດພິທີເປີດນໍ້າຊົນລະປະທານເຂົ້າສູ່ ການຜະລິດລະດູແລ້ງ, ຊຸກຍູ້ປະຊາຊົນປູກສາລີເພື່ອປ້ອນເຂົ້າໂຮງງານຜະລິດຫົວອາຫານ ແລະ ສົ່ງເສີມຄອບຄົວຕົວແບບ, ສືບຕໍ່ຈັດຕັ້ງປະຕິບັດ ດຳລັດ 348/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາຢູ່ຂັ້ນເມືອງ ແລະ ຕິດຕາມການສ້າງຕັ້ງກຸ່ມຜະລິດ, ຂະແໜງວຽກງານອຸດສາຫະ ກຳ ແລະ ການຄ້າ ກະກຽມສ້າງກຸ່ມການຜະລິດເຂົ້າຫອມສັງທອງເຊັ່ນ: ຈືນກວ້ຍອົບເນີຍ, ເຫຼົ້າຂາວສັງທອງ, ຫັດຖະກຳຕ່ຳຫູກ ເພື່ອສະເໜີຂໍເປັນສິນຄ້າໂອດອ໋ບ 1 ເມືອງ 5 ຜະລິດຕະພັນ ໃຫ້ໄດ້ຕາມຄາດໝາຍ ເອົາໃຈໃສ່ຕິດຕາມການກວດກາ ຂາຍຍົກ - ຂາຍຍ່ອຍ ລາຄາ ຊີ້ນໝູ, ຊີ້ນງົວ, ຊີ້ນຄວາຍ ແລະ ປາກະຊັງ, ຕິດຕາມ ແລະ ຄຸ້ມຄອງການຮັບຊື້ເຂົ້າປີ, ຢາງພາລາ ແລະ ສິນຄ້າຕ່າງໆ ວຽກງານໂຍທາທິການ ແລະ ຂົນສົ່ງໂດຍອີງໃສ່ທ່າແຮງຂອງເມືອງ ພວກເຮົາມີຫີນແຮ່, ຫີນຄົບ ແລະ ດິນແດງ ໂດຍນຳໃຊ້ຊັບ ພະ ຍາກອນດັ່ງກ່າວ ເພື່ອມາບູລະນະສ້ອມແປງເສັ້ນທາງ ຫຼັງລະດູຝົນເປັນຕົ້ນແມ່ນເສັ້ນທາງໄລຍະແຕ່ ບ້ານ ເພຍລາດ ຫາ ບ້ານ ເຕົາໄຫ ເພື່ອຮັບປະກັນເຮັດໃຫ້ປະຊາຊົນໄດ້ສັນຈອນໄປມາສະດວກ.

    ທັງນີ້ກໍ່ເພື່ອເປັນການຈັດຕັ້ງຜັນຂະຫຍາຍມະຕິກອງປະຊຸມໃຫ່ຍ ຄັ້ງທີ IV ຂອງອົງຄະນະພັກ ເມືອງ  ສັງທອງກໍ່ຄື ແຜນພັດທະນາເສດຖະກິດ - ສັງຄົມ 5 ປີ ຄັ້ງທີ່ IV ຂອງເມືອງສັງທອງ ໃຫ້ປະກົດຜົນເປັນຈິງຂຶ້ນເທື່ອລະກ້າວ.    

ນອກຈາກນັ້ນຍັງໄດ້ສະເໜີ ຄະນະປະຈຳພັກ ອອກມະຕິຄຳສັ່ງຮັບມະຫາຊົນຜູ້ກ່າວໜ້າເຂົ້າພັກໄດ້ທັງໝົດ 47 ສະຫາຍ, ຍິງ 16 ສະຫາຍ, ຮຽນສະໜັບສະໜູນ 8 ສະຫາຍ, ຍິງ 5 ສະຫາຍ. ຮຽນລະບຽບພັກ 19 ສະຫາຍ, ຍິງ 6 ສະຫາຍ, ຮັບມະຫາຊົນເຂົ້າພັກ ( ສະໄໝສຳຮອງ )  12 ສະຫາຍ, ຍິງ 3 ສະຫາຍ ເລື່ອນສຳຮອງຂຶ້ນສົມບູນ 2 ສະຫາຍ, ຍິງ 1 ສະຫາຍ.

     ໄດ້ເປີດກອງປະຊຸມໃຫ່ຍໜ່ວຍພັກບ້ານ 2 ໜ່ວຍຄື: ໜ່ວຍພັກ ບ້ານ ຫ້ວຍຄຳ ແລະ ບ້ານ ວັງມ້າ ທຽບໃສ່ໜ່ວຍພັກຮາກຖານບ້ານມາຮອດປະຈຸບັນສາມາດຈັດຕັ້ງປະຕິບັດໄດ້ 5 ໜ່ວຍພັກທຽບເທົ່າ 14,28% ຂອງໜ່ວຍພັກຮາກຖານທັງໝົດ ມີສະມາຊິກພັກຍົກຍ້າຍອອກ 3 ສະຫາຍ, ສະມາຊິກພັກຍົກຍ້າຍເຂົ້າ 7 ສະຫາຍ, ຍິງ 1 ສະຫາຍ, ສະມາຊິກພັກເສຍຊີວິດ 1 ສະຫາຍ. ລຶບຊື່ສະມາຊິກພັກອອກ 4 ສະຫາຍ, ຍິງ 1 ສະຫາຍ, ສໍາເລັດການກໍ່ສ້າງໜວ່ຍພັກປອດໃສ, ເຂັ້ມແຂງ, ໜັກແໜ້ນໄດ້ 30 ໜ່ວຍພັກ ເທົ່າກັບ 41,66% ຂອງໜ່ວຍພັກທັງໝົດໄດ້ເປີດກອງປະຊຸມຂຶ້ນແຜນກໍານົດ ພະນັກງານນໍາພາຄຸ້ມຄອງຂັ້ນເມືອງປະຈຸບັນປະຕິບັດໄດ້ 15 ຫ້ອງການ ແລະ ຂັ້ນບ້ານສຳເລັດ 100% , ສໍາເລັດປິດການຮຽນ ການສອນທິດສະດີການເມືອງ - ການປົກຄອງ ຊຸດທີ1 ຂອງເມືອງທສັງທອງ ມີນັກສຶກສາທັງໝົດ 60 ສະຫາຍ, ຍິງ 10 ສະຫາຍ ແລະ ລົງແກ້ໄຂບັນຫາສະມາຊິກພັກຜິດຕໍ່ລະບຽບຂອງພັກ ປະລະໜ້າທີ່ຈຳນວນ 1 ໜ່ວຍພັກ, ມີສະມາຊິກເຂົ້າຮ່ວມ 9 ສະຫາຍ, ຍິງ 1 ສະຫາຍ.

 

ອ່ານຕໍ່ >>

ສະມາຊິກພັກໃໝ່ໄດ້ຮັບການຍົກລະດັບເຊື່ອມຊື່ມເອກະສານການເມືອງແນວຄິດ(2018-11-08)

        ກອງປະຊຸມອົບຮົມສະມາຊິກໃໝ່ຂອງເມືອງສັງທອງ ນະຄອນຫລວງວຽງຈັນ ໄດ້ຈັດຂື້ນໃນວັນທີ 1 ພະຈິກທີຜ່ານມາຢູ່ທີ່ສະໂມສອນຂອງເມືອງດັ່ງກວ່າ ໂດຍໃຫ້ກຽດເປັນປະທານຂອງທ່ານ ດາວເພັດ ອາລຸນ ເລຂາພັກເມືອງ, ເຈົ້າເມືອງສັງທອງ, ໃນນັ້ນມີຄະນະປະຈຳພັກ, ຄະນະພັກ ແລະ ພະນັກງານຫລັກແຫລ່ງ, ສະມາຊິກພັກໃໝ່ທີ່ມີອາຍຸພັກນັບແຕ່ 5 ປີລົງມາ ໃນທົ່ວເມືອງສັງທອງເຂົ້າຮ່ວມຢ່າງຫລວງຫລາຍ

          ໃນກອງປະຊຸມຜູ້ເຂົ້າຮ່ວມຈະໄດຮັບຝັງການເຜີຍແຜ່ ເຊື່ອມຊື່ມຄວາມຮູ້ພື້ນຖານກ່ຽວກັບລັດທິມາກ-ເລນິນ, ຄວາມສຳນຶກທາດແທ້ ແລະ ທັດສະນະຂອງພັກປະຊາຊົນປະຕິວັດລາວ, ຕິດພັນກັບບົດຮຽນການກໍ່ສ້າງ ພັກ ແລະ ປັບປຸງພັກ, ຄຸນທາດການເມືອງ ແລະ ຄຸນສົມບັດສິນທຳປະຕິວັດຂອງສະມາຊິກພັກ, ການເຊີດຊູການເປັນແບບຢ່າງນຳໜ້າຂອງສະມາຊິກພັກ ແລະ ການແກ້ໄຂພະຍາດອາດຍາສິດ, ສະກັດກັ້ນ ແລະ ການຕ້ານການສໍ້ລາດບັງຫລວງ; ນອກຈາກນັ້ນໃນກອງປະຊຸມຍັງໄດ້ເປີດໂອກາດໃຫ້ຊະມາຊິກພັກໄດ້ມີການສົນທະນາແລກປ່ຽນຄຳຄິດຄຳເຫັນກົງໄປກົງມາຢ່າງເປັນຂະບວນຟົດຟື້ນ.

 

ອ່ານຕໍ່ >>

ອຳນາດການປົກຄອງ 5 ບ້ານໄດ້ຮຽນຮູ້ເຕັກນິກການຕັດໄມ້ປ່ອງແບບຢືນຍົງ. (2018-10-22)

     ການຈັດຝຶກອົບຮົມເຕັກນິກການຕັດໄມ້ປ່ອງແບບຢືນຍົງໃຫ້ແກ່ອຳນາດການປົກຄອງ 5 ບ້ານຂອງເມືອງ ສັງທອງ, ນະຄອນຫຼວງວຽງຈັນຄື: ບ້ານໃຫ່ຍນາຈະເລີນ, ບ້ານ ໜອງບົວ, ບ້ານ ກົ້ວ, ບ້ານ ເຕົາໄຫ ແລະ ບ້ານ ນາປໍ, ໄດ້ຈັດຂຶ້ນໃນວັນທີ 17 ຕຸລາ 2018  ນີ້ຢູ່ທີ່ຫ້ອງການພາກສະໜຂອງໂຄງການອາຟູໂກ ບ້ານ ໃຫ່ຍນາຈະເລີນ ໃຫ້ເປັນກຽດເຂົ້າຮ່ວມຂອງ ທ່ານ ສີສຸພັນ ບຸນສະເໝີ ສະມາຊິກສະພາປະຊາຊົນ ນະຄອນຫຼວງວຽງຈັນ ປະຈຳເມືອງສັງທອງ ທີ່ເປັນເລຂາພັກ ນາຍບ້ານໃຫ່ຍນາຈະເລີນ ມີວິຊາການຂະແໜງປ່າໄມ້ ນະຄອນຫຼວງ, ຫ້ອງການກະສິກຳ ແລະ ຫ້ອງການປ່າໄມ້ເມືອງ  ພ້ອມອຳນາດການປົກຄອງ 5 ບ້ານເຂົ້າຮ່ວມ.

ອ່ານຕໍ່ >>

ເມືອງສັງທອງ ສະເຫຼີມສະຫຼອງວັນເຄຫາສະຖານໂລກ ຄົບຮອບ 33 ປີ.(2018-10-16)

      ເມືອງສັງທອງ ສະເຫຼີມສະຫຼອງວັນເຄຫາສະຖານໂລກ ຄົບຮອບ 33 ປີ ຈັດຂຶ້ນໃນວັນທີ 12 ຕຸລາ 2018  ທີຢູ່ ສະໂມເມືອງ ດັ່ງກ່າວ ໂດຍໃຫ້ກຽດເຂົ້າຮ່ວມຂອງ  ດາວເພັດ ອາລຸນ  ເລຂາພັກເມືອງ  ເຈົ້າເມືອງສັງທອງ ໃນນັ້ນມີບັນດາ ຮອງເຈົ້າເມືອງ  ພະນັກງານຫຼັກແຫຼ່ງ ຫົວໜ້າຫ້ອງການອ້ອມຂ້າງ ຄະນະຮັບຜິດຊອບ ວັນສະເຫຼີມສະຫຼອງເຄຫາສະ ຖານໂລກ ທີ່ມາຈາກນະຄອນຫຼວງ ຕະຫຼອດຮອດເລຂາພັກບ້ານ ນາຍບ້ານ  ພ້ອມດ້ວຍຄູອາຈານ ແລະ ນ້ອງນັກຮຽນພາຍໃນເມືອງ ເຂົ້າຮ່ວມຢ່າງຫຼວງຫຼາຍ.

ອ່ານຕໍ່ >>

1 ເດືອນທີ່ຜ່ານມາເສດຖະກິດເມືອງສັງທອງຜົ້ນເດັ່ນຫລາຍດ້ານ(2018-10-11)

     ທ່ານ ນ ແວວໄຈ ສາວຈັນທະລາ ຮອງຫົວໜ້າຫ້ອງວ່າການເມືອງສັງທອງ ໄດ້ລາຍງານຕໍ່ກອງປະຊຸມອົງການປົກຄແອງເມືອງໃນຄັ້ງວັນທີ  10 ຕຸລາ 2018 ໃຫ້ຮູ້ວ່າ: ການນຳພາ-ການຈັດຕັ້ງປະຕິບັດຮອບດ້ານຂອງຄະນະພັກເມືອງໄດ້ມີຜົນສຳເລັດ ແລະພົ້ນເດັ່ນຫລາຍດ້ານ ໂດຍສະເພາະແມ່ຂົງເຂດວຽກງານເສດຖະກິດໃນໜຶ່ງເດືອນທີ່ຜ່ານມາສາມາດເກັບລາຍຮັບເຂົ້າງົບປະມານໄດ້ທັງໝົດ 307.969.777ກີບ, ເທົ່າກັບ 52,82% ຂອງແຜນເດືອນ ແລະລວມປະຕິບັດລາຍຮັບແຕ່ຕົ້ນເດືອນເຖິງປະຈຸບັນໄດ້ທັງໝົດ 4.427.373.500 ກີບ, ເທົ່າກັບ 75,93% ຂອງແຜນການປີ 2018

ອ່ານຕໍ່ >>

                           

ແຈ້ງການ

ຈຳນວນຜູ້ເຂົ້າຊົມ

»  2   ອອນໄລ
»  12 ມື້ນີ້
»  11 ມື້ວານນີ້
»  32ອາທິດນີ້
»  207 ເດືອນນີ້
»  3651 ປີນີ້
»  22724 ທັງໜົດ

ປະຕິທີນ

Aug-2019
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ສະຫງວນລິຂະສິດ © ສຳນັກງານປົກຄອງເມືອງສັງທອງ.
ທີ່ຢູ່: ບ້ານເພຍລາດ ເມືອງສັງທອງ ນະຄອນຫຼວງວຽງຈັນ ສປປ ລາວ. ໂທລະສັບ 021 673003 ແຟັກ: 021 673002

ອີເມວ: sangthongcity2016@gmail.com     ເວບໄຊ: www.sangthong.gov.la