ເສັ້ນທາງ ເພຍລາດ-ເຕົາໃຫ ສໍາເລັດເກືອບ 50% ແລ້ວ

     ທ່ານ ຫຼຸມຄໍາ ຈັນທະປັນຍາ ຫົວໜ້າຫ້ອງການ ໂຍທາທິການ ແລະ ຂົນສົ່ງເມືອງສັງທອງ ໄດ້ ລາຍງານຕໍ່ຜູ້ສື່ຂ່າວໃນຄັ້ງວັນທີ 13 ມີຖຸນາ ທີ່ຜ່ານມາ ໃຫ້ຮູ້ວ່າ: ການຈັດຕັ້ງປະຕິບັດກໍ່ສ້າງສ້ອມ ແປງເສັ້ນທາງ ແຕ່ ເພຍລາດ-ເຕົາໃຫ ເຊີ່ງໄດ້ເລີ່ມລົງມືຈັດຕັ້ງປະຕິບັດມາແຕ່ວັນທີ 9 ພຶດສະພາ 2019 ເຊີ່ງແມ່ນບໍລິສັດ ຈັນມີໄຊກໍ່ສ້າງຄົບວົງຈອນຈໍາກັດຜູ້ດຽວເປັນຜູ້ຮັບເໜົາກໍ່ສ້າງ ເຊີ່ງມີຄວາມ ຍາວທັງໜົດ 14.700 ແມັດ, ກວ້າງ 7 ແມັດ ປູດ້ວຍຫີນເບສຄອດອັດແໜ້ນ

ເຊີ່ງໂຄງການດັ່ງກ່າວ ໄດ້ຮັບງົບປະມານຈາກເງີນກອງທຶນ ພະແນກ ຍທຂ ນະຄອນຫລວງວຽງຈັນ ແລະ ເງີນກອງທຶນພັດທະ ນາເມືອງສັງທອງລວມມູນຄ່າ 2 ຕື້ກວ່າກີບ ນອກຈາກນັ້ນປະຊາຊົນຍັງໄດ້ມີສ່ວນຮ່ວນປະກອບສ່ວນຊື້ ແລະ ວາງທໍ່ລະບາຍນໍ້າໃສ່ທາງເຂົ້າເຮືອນຂອງ ໃຜລາວຕື່ມອີກ. ເຊີ່ງມາຮອດປັດຈຸບັນໃນການ ກໍ່ສ້າງເສັ້ນທາງແຕ່ ເພຍລາດ-ເຕົາໃຫ ແມ່ນໄດ້ສໍາເລັດໄປ ແລ້ວ 35% ແລະ ຄາດຄະເນວ່າຈະໃຫ້ ສໍາເລັດ 100% ພາຍໃນເດືອນ 7/2019 ນີ້.

   ທ່ານ ຫົວໜ້າຫ້ອງການ ຍທຂ ເມືອງສັງທອງ ຍັງໃຫ້ຮູ້ຕື່ມອີກວ່າ: ນອກຈາກການສ້ອມແປງ ເສັ້ນທາງແຕ່ ເພຍລາດ-ເຕົາໃຫ ແລ້ວຍັງໄດ້ສ້ອມແປງເສັ້ນທາງອີກຈໍານວນໜື່ງທີ່ເປ່ເພໂດຍສະ ເພາະແມ່ນເສັ້ນທາງແຕ່ ບ້ານນາປໍ-ບ້ານໃຫ່ຍນາຈະເລີນ ແລະ ບ້ານນາຫອຍ-ບ້ານໂຄກເພິງຕື່ມອີກ.

 ທັງນີ້ກໍ່ເພື່ອເຮັດໃຫ້ການໄປມາຂອງພໍ່ແມ່ປະຊາຊົນພາຍໃນເມືອງສັງທອງໃຫ້ມີຄວາມສະດວກສະບາຍ ແລະ ສາມາດທຽວໄດ້  2 ລະດູຄື: ລະດູແລ້ງ ແລະ ລະດູຝົນ ທັງເປັນການສ້າງຂະບວນການຂັບ ນັບຮັບຕ້ອນກອງປະຊຸມໃຫ່ຍຂອງອົງຄະນະພັກ ເມືອງສັງທອງ ຄັ້ງທີ V ທີ່ຈະຈັດຂື້ນໃນໄວໆນີ້.

2019-06-24

ຈຳນວນຜູ້ເຂົ້າຊົມ

»  1   ອອນໄລ
»  64 ມື້ນີ້
»  16 ມື້ວານນີ້
»  90ອາທິດນີ້
»  198 ເດືອນນີ້
»  4247 ປີນີ້
»  23320 ທັງໜົດ

ປະຕິທີນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31