ສົກປີ 2018-2019 ເມືອງສັງທອງມີນັກຮຽນເສັງຈົບຊັ້ນມັດທະຍົມຕອນຕົ້ນ (ມໍ4) ຈໍານວນ 424 ນ້ອງ

     ພິທີເປີດການສອບເສັງຈົບຊັ້ນມັດທະຍົມຕອນຕົ້ນ ມໍ4 ທົ່ວປະເທດປະຈໍາສົກປີ 2018-2019 ໃນລະວ່າງວັນທີ 18-20 ມີຖຸນາ 2019 ຈັດຂື້ນຢ່າງເປັນທາງການເວົ້າລວມ ເວົ້າສະເພາະຢູ່ເມືອງ ສັງທອງ ນວ ກໍ່ໄດ້ເປີດຂະບວນການສອບເສັງຂື້ນເຊັ່ນດຽວກັນຢູ່ທີ່ສູນສອບເສັງ ຮຮ ມັດທະຍົມສົມ ບູນສີທອງຂອງ ເມືອງດັ່ງກ່າວ ໂດຍເປັນກຽດເຂົ້າຮ່ວມເປີດພິທີຂອງ ທ່ານ ຄໍາສວຍ ອຸ່ນດາລາ ຮອງ ເຈົ້າເມືອງສັງທອງ, ທ່ານ ອຈ ສຸລິແສງ ສີາລາດ ຫົວໜ້າຫ້ອງການສຶກສາທິການ ແລະ ກິລາ ເມືອງ ສັງທອງ ມີບັນດາຕາງ ໜ້າຈາກພະແນກສຶກສາທິການ ແລະ ກິລາ ນວ ຄູອາຈານ, ພະນັກງານປ້ອງ ກັນ, ແພດປະຈໍາສະໜາມ ແລະ ນ້ອງນັກຮຽນຊັ້ນ ມໍ4 ເຂົ້າຮ່ວມ.

    ທ່ານ ອຈ ບຸນຕາ ພີມມະສອນ ຜູ້ອຳນວຍການ ຮຮ ມໍສໍ ສີທອງ ທັງເປັນຫົວໜ້າ ສູນສອບ ເສັງຈົບຊັ້ນ ມັດທະຍົມຕອນຕົ້ນ ມ4 ກ່າວວ່າ ແມ່ນໄດ້ຈັດຕັ້ງປະຕິບັດຕາມແຜນການ ແລະ ໄລຍະເວລາທີ່ພະແນກສຶກ ສາທິການ ແລະ ກິລາ ນວ ກໍ່ຄືກະຊວງສຶກສາທິການ ແລະ ກິລາ ວາງ ອອກ ໂດຍສະເພາະແມ່ນ ສົກປີ 2018-2019 ນີ້ ທົ່ວເມືອງສັງທອງມີນ້ອງນັກຮຽນທີ່ໄດ້ຮຽນ ແລະ ສອບເສັງຈົບຊັ້ນມັດທະຍົມຕອນຕົ້ນ ມ4 ທັງໜົດ 424 ນ້ອງ, ຍິງ 228 ນ້ອງ ເຊີ່ງມາຈາກ ຮຮ ມັດ ທະຍົມສົມບູນ 7 ແຫ່ງ, ເຊີ່ງການສອບເສັງ ແມ່ນຈະໄດ້ແບ່ງອອກເປັນ 21 ຫ້ອງສອບເສັງ, ປະ ກອບມີ 6 ວິຊາສອບເສັງຄື: ວິຊາພາສາລາວ-ວັນະຄະດີ, ວິຊາສຶກສາຜົນລະເມືອງ, ວິຊາວິທະຍາ ສາດທຳມະຊາດ, ວິຊາວິທະຍາສາດສັງຄົມ, ວິຊາຄະນິດສາດ ແລະ ວິຊາພາສາອັງກິດ.

    ທ່ານຫົວໜ້າສູນສອບເສັງຍັງໃຫ້ຮູ້ຕື່ມອີກວ່າສະເພາະລະບຽບການ ແລະ ມາດຕະການຂອງ ການສອບ ເສັງແມ່ນຈະໄດ້ມີການຈັດຕັ້ງປະຕິບັດຢ່າງເຄັ່ງຄັດ ແລະ ເຂັມງວດ ໂດຍສະເພາະແມ່ນບໍ່ ໃຫ້ໃຊ້ໂທລະສັບມື ຖື, ຈັກຄິດໄລ່, ເອກະສານຕ່າງໆ ແລະ ອາວຸດຂອງມີຄົມ, ສານເຄມີ ແລະ ອື່ນໆ ຫ້າມບໍ່ໃຫ້ເອົາເຂົ້າໃນຫ້ອງສອບເສັງຢ່າງເດັດຂາດຖ້າຫາກວ່າຄະນະກຳມະການກວດພົບເຫັນແມ່ນ ຈະໄດ້ໃຫ້ໂຈະການສອບເສັງທັນທີ.

   ທັ້ງນີ້ກໍ່ເພື່ອເປັນການສ້າງຂະບວນການຂັບນັບຮັບຕ້ອນກອງປະຊຸມໃຫ່ຍຄັ້ງທີ V ຂອງອົງຄະນະ ພັກເມືອງ ສັງທອງ ທັງເປັນການປະຕິບັດ 4 ບຸກຂອງພັກວາງອອກ ໂດຍສະເພາະແມ່ນບຸກທະລຸ ທາງດ້ານຊັບພະຍາ ກອນມະນຸດໃຫ້ປະກົດຜົນເປັນຈຶງຂື້ນເທື່ອລະກ້າວ.

2019-06-24

ຈຳນວນຜູ້ເຂົ້າຊົມ

»  1   ອອນໄລ
»  15 ມື້ນີ້
»  11 ມື້ວານນີ້
»  35ອາທິດນີ້
»  210 ເດືອນນີ້
»  3654 ປີນີ້
»  22727 ທັງໜົດ

ປະຕິທີນ

Aug-2019
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31