ຮອງເຈົ້າຄອງນະຄອນຫຼວງວຽງຈັນລົງເຄື່ອນໄຫວເຮັດວຽກຢູ່ເມືອງສັງທອງ

    ໃນຕອນເຊົ້າວັນທີ 14 ມີຖຸນາ 2019 ທ່ານ ປອ ອາດສະພັງທອງ ສີພັນດອນ ຮອງເຈົ້າຄອງ ນວ ພ້ອມດ້ວຍຄະນະ ໄດ້ລົງຢຽມຢາມ ແລະ ເຮັດວຽກຢູ່ເມືອງສັງທອງ ໂດຍການຕ້ອນຮັບຂອງ ທ່ານ ດາວເພັດ ອາລຸນ ເລຂາພັກເມືອງ ເຈົ້າເມືອງສັງທອງ ມີບັນດາ ຮອງເຈົ້າເມືອງ, ພະນັກງານຫຼັກແຫຼ່ງພ້ອມດ້ວຍຫົວໜ້າຫ້ອງການອ້ອມຂ້າງເມືອງເຂົ້າຮ່ວມ.

   ໃນໂອກາດດັ່ງກ່າວ ທ່ານ ດາວເພັດ ອາລຸນ ເລຂາພັກເມືອງ ເຈົ້າເມືອງສັງທອງ ໄດ້ລາຍງານກ່ຽວກັບສະພາບລວມ ແລະ ແຜນການພັດທະນາເສດຖະກິດ-ສັງຄົມຂອງເມືອງສັງທອງໃນໄລຍະຜ່ານມາໂດຍສະເພາະແມ່ນວຽກງານເສດຖະ ກິດ ໂດຍປະຕິບັດຕາມມະຕິກອງປະຊຸມໃຫ່ຍຄັ້ງທີ 4 ຂອງອົງຄະນະພັກເມືອງຄາດໜາຍສູ້ຊົນໃນປີ 2020 ລວມຍອດຜະລິຕະພັນບັນລຸໃຫ້ໄດ້ 574.08 ຕື້ກີບ ສະເລ່ຍລາຍໄດ້ຕໍ່ຫົວຄົນ 16.58 ລ້ານກີບ ເທົ່າກັບ 2.073 ໂດລ່າຕໍ່ຄົນຕໍ່ປີ ໃນປີ 2018ຜ່ານມາການຈັດຕັ້ງປະຕິບັດເກັບລາຍຮັບປະຕິບັດໄດ້ 120.27% ທັງໜົດແມ່ນ 6.8 ຕື້ກີບ ຕາມແຜນ 5.7 ຕື້ກີບ ຄາດໜາຍສູ້ຊົນໃນປີ 2019 ທີ່ ນວ ໄດ້ວາງຄາດໜາຍໄວ້ໃຫ້ 7.5 ຕື້ກີບ ມາຮອດປັດຈຸບັນ 6 ເດືອນຕົ້ນປີ ສາມາດເກັບລາຍໄດ້ 2.8 ຕື້ກີບ ນອກຈາກນີ້ເມືອງສັງທອງຍັງໄດ້ສຸມໃສ່ການພັດທະນາຕາມ 3 ເຂດພັດທະນາໃຫ່ຍຄື: ເຂດພັດທະນາທີ1 ເຂດນໍ້າຕອນລຽບພູພະນັງປະກອບມີ 16 ບ້ານ ເຊີ່ງກຳນົດເປັນເຂດຜະລິດກະສິກຳຕິດພັນກັບການ ທ່ອງທ່ຽວທາງດ້ານປະຫວັດສາດ, ເຂດພັດທະນາທີ2 ເຂດທາງເລກທີ11 ລຽບຕາມນໍ້າຂອງປະກອບມີ 13 ບ້ານກຳນົດເປັນເຂດຜະລິດກະສິກຳ, ອຸດສາຫະກຳ ແລະ ການບໍລິການ, ເຂດທີ3 ເຂດລຽບຕາມສາຍນໍ້າສັງປະກອບມີ 6 ບ້ານກໍານົດເປັນເຂດກະສິກຳ ແລະ       ການທ່ອງທ່ຽວທາງດ້ານທຳມະຊາດ ນອກນັ້ນຍັງໄດ້ສຸມໃສ່ປັບປຸງໂຄງລ່າງພື້ນຖານກໍ່ສ້າງເສັ້ນທາງຮ່ວມ-ທາງຊອຍໃນຈໍານວນ 8 ບ້ານຄື: ບ້ານສຳພັນນາ, ບ້ານປາກຕອນ, ບ້ານໂຄກເພິງ, ບ້ານສະໄກ, ບ້ານອ່າງນ້ອຍ, ບ້ານໂຄກແຫ້, ບ້ານສະນອດ ແລະ ບ້ານທ່ານາສາດ້ວຍການສົມທົບລະຫວ່າງລັດກັບປະຊາຊົນມີສ່ວນຮ່ວມມາຮອດປັດຈຸບັນສຳເລັດແລ້ວ 2 ບ້ານຄື:ບ້ານສະໄກ ແລະ ບ້ານສະນອດ ລວມຄວາມຍາວທັງໜົດ 1.772 ແມັດ ລວມມູນຄ່າທັງໜົດ 867.119.000 ກີບ ໃນນັ້ນລັດປະກອບສ່ວນ 112.000.000 ກີບ, ທຶນປະຊາຊົນ 755.119.000 ກີບ ໄປຄຽງຄູ່ກັນນັ້ນຄະນະພັກຄະນະນໍາຂອງເມືອງກໍ່ໄດ້ຍູ້ແຮງຂະບວນການກະກຽມກອງປະຊຸມໃຫ່ຍ 2 ຂັ້ນຂອງເມືອງໃຫ້ເປັນຂະບວນຟົດຟື້ນໂດຍສະເພາະຜັນຂະຫຍາຍແຜນພັດທະນາເສດຖະກິດ-ສັງຄົມໃຫ້ໄດຮັບການຈັດຕັ້ງປະຕິບັດເປັນຕົ້ນ: ປຸກລະດົມເອົານໍາອຳນາດການປົກຄອງບ້ານ ແລະ ປະຊາຊົນທີ່ອາໃສຢູ່ລຽບຕາມສາຍນໍ້າຕອນສ້າງຝ່າຍເກັບນໍ້າແບບພື້ນຖານເພື່ອຮັກສານໍ້າໃຫ້ໄດ້ມາທຳການຜະລິດໃນລະດູແລ້ງທັງເປັນວັງສະຫງວນຮັກສາແນວພັນປາ, ໂຄງການທອມງົວ ໜາຍຄວາມວ່ານໍາສົ່ງຊີ້ນງົວເຂົ້າສູ່ຕະຫຼາດໃນເມືອງຕ້ອງເປັນຊີ້ນງົວທີ່ມີຄຸນນະພາບ, ໂຄງການສ້າງຕະຼາດໄມ້ ປ່ອງ, ໂຄງການສ້າງຕະຫຼາດແລກປ່ຽນສີນຄ້າກະສິກຳ, ໂຄງການປູກສາລີເປັນົວອາຫານສັດເປັນສີນຄ້າປ້ອນເຂົ້າໂຮງງານ, ໂຄງການປູກົວສິງໄຄເປັນສີນຄ້າ, ປັບປຸງໂຮງງານໄມ້ປປ່ອງເຂົ້າສູ່ລະບຽບການ, ຈັດງານບຸນປະເພນີບຸນກອງເຂົ້າຕິດພັນກັບຕະຫຼາດນັດປະຈຳປີຂອງເມືອງຖືເປັນບຸນໃຫ່ຍຂອງເມືອງແລະຈັດງານເທດສະການອາຫານຕາມລະດູການຂອງເມືອງ.

    ໃນໂອກາດດຽວກັນນີ້ທ່ານຍັງໄດ້ລົງຕິດຕາມເບີ່ງການສ້ອມແປງເສັ້ນທາງແຕ່ ບ້ານເພຍລາດ-ບ້ານເຕົາໃຫ ເຊີ່ງມີຄວາມຍາວ 14 ກິໂລແມັດກວ່າເຊີ່ງປູດ້ວຍຫີນເບສຄອດອັດແໜ້ນ ປັດຈຸບັນໄດ້ສຳເລັດໄປແລ້ວເກືອບ 50% ເສັ້ນທາງດັ່ງກ່າວມີມູນຄ່າໃນການສ້ອມແປງ 2 ຕື້ກວ່າກີບ ນອກຈາກນີ້ທ່ານຍັງໄດ້ລົງຊຸກຍູ້ຢ້ຽມຢາມເບີ່ງການຜະລິດສິນຄ້າໂອດອບປະເພດຫັດຖະກຳຕໍ່າຫູກຢູ່ບ້ານປາກແຖບ ແລະ ຢ້ຽມຢາມຟາມລ້ຽງງົວຂອງທ່ານຈັນສົ່ງເຊີ່ງຄອບຄົວຕົວແບບຢູ່ບ້ານເພຍລາດ ແລະ ລົງຢ້ຽມຢາມສະຖານທີ່ຂົບຫີນພູຢູ່ບ້ານສະໄກຕື່ມອີກ.

2019-06-24

ຈຳນວນຜູ້ເຂົ້າຊົມ

»  1   ອອນໄລ
»  59 ມື້ນີ້
»  16 ມື້ວານນີ້
»  85ອາທິດນີ້
»  193 ເດືອນນີ້
»  4242 ປີນີ້
»  23315 ທັງໜົດ

ປະຕິທີນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31