ເມືອງສັງທອງສຸມໃສ່ການສ້າງບ້ານສາມັກຄີປອງດອງ

      ໃນຕອນເຊົ້າວັນທີ 20 ມີຖຸນາ 2019 ຢູ່ທີ່ສະໂມສອນບ້ານໃຫ່ຍນາຈະເລີນ ເມືອງສັງທອງ ນວ ໄດ້ຈັດ ພິທີ-ມອບ ໃບຢັ້ງຢືນບ້ານສາມັກຄີປອງດອງຂອງບ້ານໃຫ່ຍນາຈະເລີນ ເປັນບ້ານສາມັກຄີປອງດອງຂອງ ແນວລາວສ້າງຊາດ ພາຍໄຕ້ເປັນປະທານຂອງ ທ່ານ ໄອສູນ ສະພັງທອງ ປະທານ ແນວລາວສ້າງຊາດ ເມືອງສັງທອງ ເປັນກຽດເຂົ້າຮ່ວມຂອງ ທ່ານ ບຸນທ່ຽງ ຂຸນສີ ຄະນະປະຈຳພັກ ນວ ປະທານແນວລາວ ສ້າງຊາດ ນວ ທ່ານ ຄໍາສວຍ ອຸ່ນດາລາ ຮອງເຈົ້າເມືອງສັງທອງ ທ່ານບຸດດີສີມມາລາວົງ ຮອງເຂາພັກບ້ານ ຮອງນາຍບ້ານໃຫ່ຍນາຈະເລີນ ມີບັນດາອໍານາດການປົກຄອງບ້ານພ້ອມດ້ວຍພໍ່ແມ່ປະຊາຊົນພາຍໃນບ້ານ ເຂົ້າຮ່ວມຢ່າງພ້ອມພຽງ.

     ໃນພິທີ ທ່ານບຸນອູ ໄຊຍະວົງ ປະທານແນວລາວສ້າງຊາດ ບ້ານໃຫ່ຍນາຈະເລີນ ໄດ້ຂື້ນຜ່ານບົດສະຫຼຸບ ການຈັດຕັ້ງປະຕິບັດການສ້າງບ້ານສາມັກຄີປອງດອງໃນໄລຍະຜ່ານມາ ບ້ານໃຫ່ຍນາຈະເລີນມີ 269 ຫຼັງຄາ, ມີ 263 ຄອບຄົວ, ມີພົນລະເມືອງທັງໜົດ 1.239 ຄົນ, ຍິງ 618 ຄົນ, ປະຊາຊົນພາຍໃນບ້ານມີ 2 ຊົນເຜົ່າຄື: ເຜົ່າລາວລຸ່ມ ແລະ ເຜົ່າກືມມຸ ປະຊາຊົນສ່ວນໃຫ່ຍພາຍໃນບ້ານໄດ້ຢຶດເອົາອາຊີບປູກຝັງ-ລ້ຽງສັດ ແລະ ເອົາການຄ້າຂາຍເປັນອາຊີບສຳຮອງ ແລະ ເປັນບ້ານພົ້ນທຸກ ສະເລ່ຍລາຍຮັບຫົວຄົນແມ່ນ 9.600 .000 ກີບ/ຄົນ/ປີ, ມີເງີນກອງທຶນພັດທະນາບ້ານທັງໜົດ 87.000.000 ກີບ, ມີສະມາຊິກທັງໜົດ 89 ຄົນ ປະຊາຊົນພວກເຮົາແມ່ນຮັກສາໄດ້ຮີດຄອງປະເພນີອັນດີງາມຂອງຊາດປະຕິບັດຕາມຮີດ 12 ຄອງ 14 ໄດ້ດີ ສົມຄວນ ແລະ ລູກຼານໃນເກນອາຍຸໄດ້ເຂົ້າໂຮງຮຽນ. ເຊີ່ງທ່ານໄດ້ຍົກໃຫ້ເຫັນຜົນງານຫຼາຍດ້ານເປັນ ຕົ້ນແມ່ນ: ພາຍຼັງໄດ້ມີຄໍາແນະນໍາເລກທີ 033/ສນຊ, ຂອງຄະນະປະຈຳສູນກາງແນວລາວສ້າງຊາດດ້ວຍ ການຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ ສະນັ້ນອົງການແນວລາວສ້າງ ຊາດບ້ານ ແລະ ອົງການປົກຄອງບ້ານໄດ້ນໍາເອົາເງື່ອນໄຂມາດຖານການສ້າງບ້ານສາມັກຄີປອງດອງມາ ສຶກສາອົບຮົມໃຫ້ແກ່ປະຊາຊົນແຕ່ລະຄອບຄົວເພື່ອກໍາແໜ້ນ ແລະ ພ້ອມກັນຈັດຕັ້ງປະຕິບັດຈາກນັ້ນກໍ່ລົງໄປ ຫາແຕ່ລະໜ່ວຍ 10 ຫຼັງຄາເຮືອນເພື່ອພ້ອມກັນວາງແຜນສ້າງຄອບຄົວສາມັກຄີປອງດອງ ຜ່ານການລົງໄປ ຈັດຕັ້ງປະຕິບັດເຫັນໄດ້ວ່າສາມາດປະຕິບັດໄດ້ 4 ມາດຖານ ຄອບຄົວສາມັກຄີ 263 ຄອບຄົວ ເທົ່າກັບ 100% ທັ້ງນີ້ກໍ່ເພື່ອເປັນການສ້າງຂະບວນການຂັບນັບຮັບຕ້ອງກອງປະຊຸມໃຫ່ຍຄັ້ງທີ V ຂອງອົງຄະນະພັກ ເມືອງສັງທອງ ທີ່ຈະຈັດຂື້ນໃນໄວໆນີ້ ທັງເປັນການຈັດຕັ້ງປະຕິບັດຕາມມະຕິເລກທີ 03/ກມສພ ວ່າດ້ວຍ ການສ້າງແຂວງເປັນຫົວໜ່ວຍຍຸທະສາດ, ສ້າງເມືອງເປັນຫົວໜ່ວຍເຂັ້ມແຂວງຮອບດ້ານ ແລະ ສ້າງບ້ານເປັນ ຫົວໜ່ວຍພັດທະນາ, ສ້າງບ້ານໃຫ່ຍໃຫ້ຄ້າຍຄືຕົວເມືອງນ້ອຍໃນຊົນນະບົດ.

2019-06-24

ຈຳນວນຜູ້ເຂົ້າຊົມ

»  1   ອອນໄລ
»  2 ມື້ນີ້
»  7 ມື້ວານນີ້
»  9ອາທິດນີ້
»  149 ເດືອນນີ້
»  4591 ປີນີ້
»  23664 ທັງໜົດ

ປະຕິທີນ

Nov-2019
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30