ເມືອງສັງທອງເປີດກອງປະຊຸມຜູ້ບໍລິຫານການສຶກສາ

   ກອງປະຊຸມຜູ້ບໍລິຫານການສຶກສາ ທົ່ວເມືອງສັງທອງ ຈັດຂື້ນໃນລະຫວ່າງວັນທີ 21-23 ສິງຫາ 2019 ຢູ່ທີ່ສະໂມສອນຫ້ອງການສຶນສາທິການ ແລະ ກິລາ ເມືອງດັ່ງກ່າວພາຍໄຕ້ເປັນປະທານຂອງ ທ່ານ ສຸລິແສງ ສີຫາລາດ ຫົວໜ້າຫ້ອງການສຶກສາທິການ ແລະ ກິລາ ເມືອງສັງທອງມີ ທ່ານ ຄໍາສວຍ ອຸ່ນດາລາ ຮອງເຈົ້າເມືອງສັງທອງ ທັງເປັນຜູ້ຮັບຜິດຊອບຂົງເຂດວຽກງານວັດທະນະທຳ-ສັງຄົມ ທ່ານ  ບຸນລົມ ຄໍາມະນີວົງ ຮອງຫົວໜ້າຫ້ອງການສຶກສາທິການ ແລະ ກິລາ ເມືອງສັງທອງມີບັນດາຕາງໜ້າຈາກກະຊວງ,ພະແນກສຶກສາທິການ ແລະ ກິລາ ນວ ພ້ອມດ້ວຍຜູ້ອໍານວຍການມາຈາໂຮຽຮຽນ ທົ່ວເມືອງສັງທອງ ແລະ ພາກສ່ວນກ່ຽວຂ້ອງເຂົ້າຮ່ວມ.

   ທ່ານ  ອຸດອນ ໄຕຈັນທອນ ຮອງຫົວໜ້າຫ້ອງການສຶກສາທິການ ແລະ ກິລາ ເມືອງສັງທອງໄດ້ລາຍງານຜົນສຳເລັດໃນການຈັດຕັ້ງປະຕິບັດແຜນພັດທະນາການສຶກສາ ແລະ ກິລາປະຈໍາສົກປີ 2018-2019 ໃນໄລຍະຜ່ານມາຫ້ອງການສຶກສາທິການ ແລະ ກິລາ ເມືອງສັງທອງສົມທົບກັບອໍານາດການປົກຄອງທຸກພາກສ່ວນໄດ້ເອົາໃຈໃສ່ຊຸກຍູ້ໃນການພັດທະນາການສຶກສາແຕ່ຊັ້ນອະນຸບານຈົນຮອດມັດທະຍົມສຶກສາຕອນປາຍ ໂດຍເນັ້ນໃສ່ການຂະຫຍາຍຫ້ອງຮຽນ, ໂຮງຮຽນ, ສະໜອງອຸປະກອນຮັບໃຊ້ໃນການຮຽນ-ການສອນຝຶກອົບຮົມ ແລະ ຍົກລະດັບຄຸນນະພາບຂອງຄູ, ການສ້າງຄວາມເຂັ້ມແຂງຂອງວຽກງານການບໍລິຫານ ແລະ ຄຸ້ມຄອງການສຶກສາໃນແຕ່ລະຂັ້ນ ນອກຈາກນັ້ນຍັງໄດ້ປັບປຸງ ແລະ ສ້າງນິຕິກໍາຫຼາຍຢ່າງເພື່ອຮັບໃຊ້ໃຫ້ແກ່ການພັດທະນາລະບົບການສຶກສາ ແລະ ກິລາ ປັດຈຸບັນທົ່ວເມືອງສັງທອງມີໂຮງຮຽນມັດທະຍົມຕອນຕົ້ນ 2 ແຫ່ງ ແລະ ມັດທະຍົມຕອນປາຍ 5 ແຫ່ງ ມີນັກຮຽນທັງໜົດ 3.196 ຄົນ, ອັດຕາເຂົ້າຮຽນເດັກ 3-5 ປີ ເພີ່ມຈາກ 50.6% ມາເປັນ 52.8%, ອັດຕາເຂົ້າຮຽນຂອງເດັກ 5ປີ ເພີ່ມຈາກ 54.46%ມາເປັນ 75.72% ຊັ້ນການສຶກສາກ່ອນໄວຮຽນມີທັງໜົດ 533 ຄົນ, ເພີ່ມເປັນ 568 ຄົນ ອັດຕາເຂົ້າຮຽນສດທິຊັ້ນປະຖົມສຶກສາຈາກ 97.1% ມາເປັນ 99.5% ນອກຈາກການສກສາໃນໂຮງຮຽນແລ້ວຫ້ອງການສຶກສາທິການ ແລະ ກິລາເມືອງສັງທອງຍັງໄດ້ເອົາໃຈໃສ່ການສຶກສານອກໂຮງຮຽນເປັນສ່ວນໜຶ່ງຂອງລະບົບການສຶກສາແຫ່ງຊາດເພື່ອເຮັດໃຫ້ປະຊາຊົນໃນເກນອາຍຸ 15-35 ປີ ທີ່ພາດໂອກາດ, ດ້ອຍໂອກາດປະລະການຮຽນໃນການຮຽນລະບົບສາຍສາສາມັນໃຫ້ໄດ້ຮຽນຈົບການສຶກສາຊັ້ນປະຖົມແລະມັດທະຍົມຕອນຕົ້ນໃນຈໍານວນ 15 ບ້ານ ມີຜູ້ເຂົ້າຮຽນທັງໜົດ 346 ຄົນ, ຍິງ 183 ຄົນ ໃນກອງປະຊຸມຍັງໄດ້ຮັບຮອງເອົາແຜນວຽກຈຸດສຸມໃນການວາງແຜນພັດທະນາການສຶກສາ ແລະ ກິລາໃນສົກປີ 2019-2020 ໂດຍສະເພາະແມ່ນ: ວຽກງານການສຶກສາກ່ອນໄວຮຽນ, ການສຶກສາຊັ້ນປະຖົມ, ການສຶກສາຊັ້ນມັດທະຍົມສຶກສາຕອນຕົ້ນ, ການສຶກສາຊັ້ນມັດທະຍົມຕອນປາຍ, ວຽກງານພາລະ-ສິລະປະສຶກສາ ແລະ ກິລາ-ກາຍະກຳ ແລະ ວຽກງານການບໍລິຫານ ແລະ ຄຸ້ມຄອງການສຶກສາ

2019-08-22

ຈຳນວນຜູ້ເຂົ້າຊົມ

»  1   ອອນໄລ
»  6 ມື້ນີ້
»  7 ມື້ວານນີ້
»  13ອາທິດນີ້
»  153 ເດືອນນີ້
»  4595 ປີນີ້
»  23668 ທັງໜົດ

ປະຕິທີນ

Nov-2019
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30