ກອງປະຊຸມອົງການປົກຄອງຂອງເມືອງ ສັງທອງປະຈຳເດືອນ 7,8/2019

    ກອງປະຊຸມອົງການປົກຄອງເມືອງສັງທອງປະຈໍາເດືອນ 7,8/2019 ແລະ ວາງທິດທາງແຜນການປະຈໍາເດືອນ 9/2019 ຮ່ວມກັບສະພາປະຊາຊົນ ນວ ປະຈໍາເມືອງສັງທອງ ຈັດຂື້ນ 17 ກັນຍາ 2019 ຢູ່ທີ່ຫ້ອງວ່າການປົກຄອງເມືອງດັ່ງກ່າວ ພາຍໄຕ້ເປັນປະທານຂອງ ທ່ານ ດາວເພັດ ອາລຸນ ເລຂາພັກເມືອງ ເຈົ້າເມືອງສັງທອງ ເປັນກຽດເຂົ້າຮ່ວມ ທ່ານ ສີສຸພັນບຸນສະເໜີ ສະມາຊິກສະພາປະຊາຊົນ ນວ ຊຸດທີ 1 ປະຈໍາເມືອງສັງທອງ ມີບັນດາ ຮອງເຈົ້າເມືອງ, ຄະນະປະຈໍາພັກ, ກໍາມະການພັກເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມໄດ້ຮັບຟັງການລາຍງານຕີລາຄາການນໍາພາຈັດຕັ້ງປະຕິບັດວຽກງານຂອງອົງການປົກຄອງເມືອງສັງທອງປະຈໍາເດືອນ 7,8/2019 ແລະ ວາງທິດທາງແຜນການ 9/2019 ຂອງອົງການປົກຄອງເມືອງສັງທອງ,ຄົ້ນຄວ້າກ່ຽວກັບຄໍາສະເໜີຂອງພໍ່ແມ່ປະຊາຊົນທີ່ສະເໜີຕໍ່ສະພາແຫ່ງຊາດ ແລະ ສະພາປະຊາຊົນ ນະຄອນຫຼວງວຽງຈັນທີ່ໄດ້ລົງມາເຜີຍແຜ່ຜົນສໍາເລັດກອງປະຊຸມໃນລະຫວ່າງວັນທີ 20-26 ສິງຫາ 2019, ຮັບຟັງການລາຍງານກ່ຽວກັບການຈັດຕັ້ງປະຕິບັດແຜນລາຍຮັບ-ລາຍຈ່າຍ ແລະ ແຜນພັດທະນາເສດຖະກິດສັງຄົມ ປະຈໍາປີ 2019 ຕິດພັນກັບການຈັດຕັ້ງປະຕິບັດໂຄງການລົງທຶນຂອງລັດ, ຮັບຟັງການລາຍງານກ່ຽວກັບການກະກຽມຈັດງານບຸນກອງເຂົ້າປະຈໍາປີ 2019 ຢູ່ເມືອງສັງທອງ ແລະ ຮັບຟັງການລາຍງານຄືນກ່ຽວກັບການລົງກວດກາ ແລະ ວັດແທກທີ່ດິນເພື່ອພັດທະນາຄງການສູນສາທິດຕິດພັນກັບການແກ້ໄຂຄວາມທຸກຍາກຊົນນະບົດຈີນອາຊຽນ ແລະ ທະນາຄານໂລກທີ່ກອງປະຊຸມຄະນະປະຈໍາພັກເມືອງຄັ້ງວັນທີ 21 ສິງຫາ 2019 ໄດ້ລົງເຫັນດີເປັນເອກະພາບຈັດສັນໃນເນື້ອທີ່ 10 ຮຕ ເຂດບ້ານທ່ານາຂາມ ແລະ ທີ່ດິນທີ່ຈະພັດທະນາ ແລະ ນໍາໃຊ້ເຂົ້າໃນການປຸກສ້າງມະຫາວິທະຍາໄລຂອງກະຊວງສຶກສາທິການ ແລະ ກິລາຈໍານວນ 100 ຮຕ ທີ່ນອນໃນເຂດບ້ານເພຍລາດ ແລະ ບ້ານທ່ານາຂາມ ສະເພາະເຫດການທີ່ພົ້ນເດັ່ນໃນເດືອນ 7,8/2019 ຜ່ານມາ ມາຮອດປັດຈຸບັນສາມາດເກັບລາຍຮັບເຂົ້າງົບປະມານໄດ້ 4.725.117.172 ກີບ, ເທົ່າກັບ 62.91% ໄດ້ຕິດຕາມກວດກາກ່ຽວກັບການພັດທະນາພື້ນຖານໂຄງລ່າງຈໍານວນ 7 ໂຄງການມາຮອດປັດຈຸບັນສໍາເລັດ 100% ຕິດຕາມແຜນການປັກດໍາເຂົ້ານາປີໃນເນື້ອທີ່ແຜນການ 8.500 ຮຕ, ນາດໍາ 7.240 ຮຕ, ນາຫວ່ານ 1.245 ຮຕ, ນາຢອດ 15 ຮຕ ມາຮອດປັດຈຸບັນສໍາເລັດ 100% ຊຸກຍູ້ການຜະລິດພຶດຜັກລະດູຝົນ ເນື້ອທີ່ແຜນການ 552 ຮຕ, ປະຕິບັດໄດ້ 432 ຮຕ, ເທົ່າກັບ 78%, ຊຸກຍູ້ພຶດອຸດສາຫະກໍາໃນລະດູຝົນ ເນື້ອທີ່ແຜນການ 995 ຮຕ ປະຕິບັດໄດ້ 848 ຮຕ ເທົ່າກັບ 88% ຊຸກຍູ້ການຜະລິດໄມ້ໃຫ້ໜາກໃນລະດູຝົນ ເນື້ອທີ່ແຜນການ 216 ຮຕ, ປະຕິບັດໄດ້ 191 ຮຕ, ເທົ່າກັບ 88% ຢາຍໃບຕາດິນໄດ້ 60 ຕອນ ແລະ ລົງວັດແທກທີ່ດີນໄດ້ທັງໜົດ 290 ຕອນ, ດິນລັດ 10 ຕອນ ໃນນັ້ນເປັນລະບົບ 237 ຕອນ, ປະຕິບັດລາຍຮັບວິຊາການແຕ່ຕົ້ນຮອດປັດຈຸບັນໄດ້ທັງໜົດ 104.882.000 ກີບ ເທົ່າກັບ 55% ສໍາເລັດການຕິດຕັ້ງໄຟ້າເຢືອງທາງຈໍານວນ 6 ຊຸດ ລວມມູນຄ່າ 1.037.000 ກີບ, ກວດກາຫົວໜ່ວຍແຮງງານໄດ້ 4 ແຫ່ງດ ມີແຮງງານທັງໜົດ 54 ແຮງງານ, ຍິງ 2 ຄົນ, ໃນນັ້ນ ແຮງງານລາວ 16 ຄົນ, ແຮງງານຕ່າງປະເທດ 38 ຄົນ, ຍິງ 2​ ຄົນ, ວຽກງານສາທາສອງເດືອນຜ່ານມາມີຄົນເຈັບເຂົ້າມາໃຊ້ບໍລິການຈໍານວນ 3.280 ເທື່ອຄົນ, ໃນນັ້ນຄົນເຈັບ ອປລ 401 ເທື່ອຄົນ, ຄປສຊ 102 ເທື່ອຄົນ

   ໃນກອງປະຊຸມຍັງໄດ້ຮັບຮອງເອົາແຜນວຽກຈຸດສຸມໃນເດືອນ9/2019 ໂດຍສະເພາະແມ່ນ: ວຽກງານການເມືອງ-ແນວຄິດ, ຂົງເຂດວຽກງານບໍລິຫານການປົກຄອງ, ວຽກງານປ້ອງກັນຊາດ-ປ້ອງກັນຄວາມສະງົບ, ວຽກງານເສດຖະກິດ ແລະ ວຽກງານວັດທະນະທໍາສັງຄົມ

 

2019-09-18

ຈຳນວນຜູ້ເຂົ້າຊົມ

»  1   ອອນໄລ
»  63 ມື້ນີ້
»  16 ມື້ວານນີ້
»  89ອາທິດນີ້
»  197 ເດືອນນີ້
»  4246 ປີນີ້
»  23319 ທັງໜົດ

ປະຕິທີນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31