ກອງປະຊຸມໃຫ່ຍຄັ້ງທີ IV ຜູ້ແທນສະຫະພັນນັກຮົບເກົ່າ ເມືອງສັງທອງ

 ກອງປະຊຸມໃຫ່ຍຄັ້ງທີ IV ຜູ້ແທນສະຫະພັນນັກຮົບເກົ່າເມືອງສັງທອງ ນວ ຈັດຂື້ນໃນຕອນເຊົ້າທີ 24 ກັນຍາ 2019 ທີ່ສະໂມສອນເມືອງດັ່ງກ່າວພາຍໄຕ້ເປັນປະທານຂອງ ທ່ານ ບຸນຍົກ ໄຊຍະວອນ ຮັກສາການປະທານສະຫະພັນນັກຮົບເກົ່າເມືອງສັງທອງມີ ທ່ານ ດາວເພັດ ອາລຸນ ກໍາມະການພັກ ນວ ເລຂາຄະນະພັກເມືອງເຈົ້າເມືອງສັງທອງ ທ່ານ ບຸນທອນ ໄຊສົງຄາມ ຄະນະບໍລິຫານງານສະຫະພັນນັກຮົບເກົ່າແຫ່ງຊາດລາວ, ປະທານສະຫະພັນນັກຮົບເກົ່າ ນວ ມີບັນດາ ຮອງເຈົ້າເມືອງ ຄະນະປະຈໍາພັກ, ກໍາມະການພັກ ພ້ອມດ້ວຍແຂກຖກເຊີນ ແລະ ຜູ້ແທນສົມບຸນເຂົ້າຮ່ວມ.

ໂອກາດນີ້ ທ່ານ ບຸນຍົກ ໄຊຍະວອນ ຮັກສາການປະທານສະຫະພັນນັກຮົບເກົ່າ ເມືອງສັງທອງໄດ້ຜ່ານບົດລາຍງານການເມືອງທັງສອງພາກ ໃນໄລຍະຜ່ານມາສະຫະພັນນັກຮົບເກົ່າເມືອງສັງທອງມີໜ່ວຍນັກຮົບເກົ່າ 7 ໜ່ວຍ, ມີຈຸນັກຮົບເກົ່າທັງໜົດ 40 ຈຸ ມີສະມາຊິກສະຫະພັນນັກຮົບເກົ່າທັງໜົດ 578 ສະຫາຍ, ຍິງ 54 ສະຫາຍ, ໃນໄລຍະ 5 ປີ ຜ່ານມາມີສະມາຊິກສະຫະພັນນັກຮົບເກົ່າເສຍຊິວິດ 54 ສະຫາຍ, ຍິງ 7 ສະຫາຍ, ມາຮອດປັດຈຸບັນມີສະມາຊິກສະຫະພັນນັກຮົບເກົ່າທັງໜົດ 553 ສະຫາຍ, ຍິງ 49 ສະຫາຍ, ໃນໄລຍະຜ່ານຫ້ອງການສະຫະພັນນັກຮົບເກົ່າເມືອງສັງທອງໄດ້ເອົາໃຈໃສ່ຊີ້ນໍາ-ນໍາພາວຽກງານກໍ່ສ້າງພະນັກງານຊ່ວຍວຽກທາງດ້ານວິຊາການເວົ້າລວມ ເວົ້າສະເພາະສ້າງພະນັກງານໃຫ້ມີຄວາມສາມາດ ແລະ ຊໍານິຊໍານານກັບໜ້າທີ່ຕໍາແໜ່ງງານທີ່ຖືກມອບໜາຍ, ມີຄວາມຮັບຜິດຊອບສູງຕໍ່ໜ້າທີ່ການເມືອງຂອງຕົນຊັບຊ້ອນພະນັກງານເຂົ້າໃສ່ແຕ່ລະໜ່ວຍງານໃຫ້ສອດຄ່ອງ ແລະ ເໜາະສົມກັບວິຊາສະເພາະ ແລະ ໄດ້ສະເໜີເລືອນຊັ້ນພົນທະຫານທີ່ເປັນວິຊາການຊ່ວຍວຽກຫ້ອງການໃນນີ້ສະເໜີເລື່ອນຊັ້ນຕາມວຸດທິການສຶກສາຈາກສິບຕີຂື້ນເປັນສິບເອກ 1 ສະຫາຍ, ສິບເອກຂື້ນວາທີ 1 ສະຫາຍ, ວາທີຂື້ນຮ້ອຍຕີ 3 ສະຫາຍ, ນອກຈາກນັ້ນຍັງສະມາຊິກນັກຮົບເກົ່າຜູ້ທີ່ມີຜົນງານດີເດັ່ນໄດ້ຮັບການຍ້ອງຍໍສັນລະເສີນຈາກຂັ້ນເທິງຈໍານວນ 383 ສະຫາຍ, ຍິງ 36 ສະຫາຍ, ໃນນີ້ໄດ້ຮັບຫຼຽນກາກຽດຕິຄຸນຂອງກອງທັບ 14 ສະຫາຍ, ຍິງ 2 ສະຫາຍ, ຫຼຽນກາລະນຶກ 70 ປີ ຂອງກອງທັບປະຊາຊົນລາວ 38 ສະຫາຍ, ຍິງ 8 ສະຫາຍ, ໃບຍ້ອງຍໍສະຫະພັນນັກຮົບເກົ່າແຫ່ງຊາດ 119 ສະຫາຍ, ຍິງ 7 ສະຫາຍ, ຍ້ອງຍໍເຈົ້າຄອງ ນວ 89 ສະຫາຍ, ຍິງ 2 ສະຫາຍ, ຍ້ອງຍໍສະຫະພັນນັກຮົບເກົ່າ ນວ 123 ສະຫາຍ, ຍິງ 17 ສະຫາຍ ນອກນີ້ຍັງໄດ້ເອົາໃຈໃສ່ຊຸກຍູ້ຄອບຄົວສະມາຊິກນັກຮົບເກົ່າປູກຝັງ-ລ້ຽງສັດການຄ້າ ແລະ ການບໍລິການເພື່ອເພີ່ມລາຍຮັບໃຫ້ແກ່ຄອບຄົວປັດຈຸບັນສະມາຊິກພວກເຮົາໄດ້ມີສັດລ້ຽງປະເພດຄວາຍ 249 ໂຕ, ງົວ 739 ໂຕ, ແບ້ 408 ໂຕ, ໜູ 170 ໂຕ, ສັດປີກ 3.184 ໂຕ, ມີໜອງປາ 83 ໜອງ, ໄດ້ເອົາໃຈໃສ່ປະຕິບັດນະໂຍບາຍຕໍ່ສະມາຊິກສະຫະພັນນັກຮົບເກົ່າໃນເວລາເຈັບປ່ວຍນອນໂຮງໜໍ ແລະ ນະໂຍບາຍຕໍ່ກັບຜູ້ເສຍຊິວິດຕາມສະພາບ ແລະ ເງື່ອໄຂຕົວຈິງຂອງຜູ້ທີ່ເຂົ້າເປັນສະມາຊິກກອງທືນຊ່ວຍເຫຼືອເຊີ່ງກັນ ແລະ ກັນເວລາສະມາຊິກນັກຮົບເກົ່າເສຍຊິວິດກໍ່ໄດ້ອອກໜັງສືແຈ້ງການເກັບເງີນເພື່ອຊ່ວຍເພື່ອນມອບໃຫ້ຄອບຄົວຜູ້ກ່ຽວພ້ອມຈັດຕັ້ງສົ່ງສະການ ທົ່ວເມືອງມີສະມາຊິກກອງທຶນເງີນຝາກປ່ອຍກູ້ດອກເບ້ຍຕໍ່າ ແລະ ສະມາຊິກຮ່ວງຊ່ອຍເຫຼືອເຊີ່ງກັນ ແລະ ກັນທັງໜົດ 674 ຄົນ, ຍິງ 211 ຄົນ, ມີເງີນຝາກທັງໜົດ 74.599.000 ກີບ. ພ້ອມນີ້ກອງປະຊຸມຜູ້ແທນເຂົ້າຮ່ວມຍັງໄດ້ໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະບໍລິຫານງານສະຫະພັນນັກຮົບເກົ່າເມືອງຊຸດໃໜ່ ເຊີ່ງມີຜູ້ລົງສະໜັກ 5 ສະຫາຍ, ເລືອກເອົາ 3 ສະຫາຍ ກອງປະຊຸມຕົກລົງເຫັນດີເປັນເອກະພາບເລືອກເອົາ ສະຫາຍ ບຸນຊູ ຜິວຄະນອນ ເປັນປະທານ ສະຫາຍ ບຸນຍົກ ໄຊຍະວອນ ເປັນຮອງປະທານທັງເປັນປະທານກວດກາພັກ-ລັດ ສະຫາຍ ບຸນໂຮມ ແກ້ວທໍາດີ ເປັນຮອງປະທານ ແລະ ເປັນຮອງປະທານກວດກາ ເຊີ່ງໃນຕອນທ້າຍກອງປະຊຸມຍັງໄດ້ຮັບຟັງການໂອ້ລົມຈາກທ່ານເຈົ້າເມືອງສັງທອງ ແລະ ທ່ານປະທານສະພັນນັກຮົບເກົ່າ ນວ ເພື່ອເປັນເຂັມຊີ້ທິດເຍືອງທາງໃຫ້ແກ່ວຽກງານຕ່າງໆຂອງຄະນະບໍລິຫານງານສະຫະພັນນັກຮົບເກົ່າຊຸດທີ IV ເພື່ອນໍາໄປຈັດຕັ້ງຜັນຂະຫຍາຍເຂົ້າໃນວຽກງານວິຊາສະເພາະຂອງຕົນ ພ້ອມທັງຊີ້ນໍາ-ນຳພາສະມາຊິກສະຫະພັນນັກຮົບເກົ່າຂອເມືອງແລະຢູ່ຮາກຖານບ້ານໃຫ້ດີຂື້ນເທື່ອລະກ້າວ.

 

2019-09-26

ຈຳນວນຜູ້ເຂົ້າຊົມ

»  1   ອອນໄລ
»  64 ມື້ນີ້
»  16 ມື້ວານນີ້
»  90ອາທິດນີ້
»  198 ເດືອນນີ້
»  4247 ປີນີ້
»  23320 ທັງໜົດ

ປະຕິທີນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31