ພິທີເປີດການຮຽນ-ການສອນກົດໜາຍຊັ້ນຕົ້ນ( ໄລຍະສັ້ນ 3 ເດືອນ)

ໃນຕອນເຊົ້າວັນທີ 14 ກຸມພາ 2017 ນີ້ ທີ່ສະໂມສອນເມືອງສັງທອງ ໄດ້ມີພິທີເປີດການຮຽນ-ການສອນກົດໜາຍຊັ້ນຕົ້ນຊຸດທີ 7 ສົກປີ 2016-2017 ຂື້ນພາຍໃຕ້ການເປັນປະທານຂອງທ່ານ ຄຳໝູນ ຕຽງທະລາດ ກຳມະການພັກ ນະຄອນຫລວງ, ເລຂາພັກເຈົ້າເມືອງສັງທອງ, ທ່ານ ທອງສັນ ແກ້ວປະເສີດ ຮອງຫົວໜ້າພະແນກຍຸດຕິທຳ ນະຄອນຫລວງວຽງຈັນ; ມີບັນດາຫົວໜ້າຫ້ອງການ; ນາຍບ້ານ ແລະ ນັກຮຽນກົດໜາຍເຂົ້າຮ່ວມຈຳນວນ 64 ຄົນ

ໃນ​ກອງ​ປະຊຸມ​ທ່ານ​ ນາງ​ບົວ​ເຄື່ອ ຈັນທະ​ແກ້ວ​ ຮອງ​ຫົວໜ້າ​ຄະນະ​ຈັດ​ຕັ້ງ​ເມືອງ​ໄດ້​ຂື້ນ​ຜ່ານ​ຂໍ້​ຕົກລົງຂອງ​ທ່ານ​ເຈົ້າ​ເມືອງ​ວ່າ​ດ້ວຍ​ການ​ອະນຸມັດ​ໃຫ້​ເປີດ​ໂຮງຮຽນ​ກົດ​ໜາຍ​ຊັ້ນ​ຕົ້ນ ສະບັບ​ເລກທີ 108/ຈສທ, ລົງ​ວັນ​ທີ 9 ກຸມພາ 2017; ຂໍ້​ຕົກລົງ​ວ່າການ​ແຕ່ງຕັ້ງຄະນະ​ຮັບຜິດຊອບ​ບັ້ນ​ຮຽນ​ກົດ​ໜາຍ​ຊັ້ນ​ຕົ້ນ​ສົກ​ປີ2016-2017 ສັບ​ເລກທີ 110/ຈສທ, ລົງ​ວັນ 9 ກຸມພາ 2017; ຂໍ​ຕົກລົງ​ວ່າ​ດ້ວຍ​ການ​​ແຕ່ງ​ຕັ້ງ​ຄູ​ອາຈານ​ຂື້ນ​ຫ້ອງ​ສອນ​ສະບັບ​ເລກທີ109/ຈສທ, ລົງ​ວັນ​ທີ 9 ກຸມພາ 2017 ​ແລະ ມະຕິ​ຕົກລົງ​ຂອງ​ຄະນະ​ປະຈຳ​ພັກວ່າ​ດ້ວຍ​ການ​ອະນຸມັດ​ໃຫ້​ເລຂາ​ພັກ​ບ້ານ-ນາຍບ້ານ ​ແລະ ພະນັກງານ​ເຂົ້າ​ຮຽນ​ກົດ​ໜາຍ​ຊັ້ນ​ຕົ້ນ​ໄລຍະ​ສັ້ນ 3 ​ເດືອນ

ພ້ອມ​ນີ້​ທ່ານ ພູທອນ ພິມ​ມະ​ວົງ ຮອງ​ຫົວໜ້າ​ຫ້ອງການ​ຍຸດຕິ​ທຳ​ໄດ້​ຂື້ນ​ຜ່ານ​ແຜນການ​ເປີດ​ການ​ຮຽນ-ການ​ສອນ ກົດ​ໜາຍ​ຊັ້ນ​ຕົ້ນຄັ້ງ​ທີ່ 7 ລະບົບ 3 ​ເດືອນ ​ເຊິ່ງ​ໄດ້​ຮັບ​ການ​ຊ່ວຍ​ເຫ​ລຶ່ອທາງ​ດ້ານ​ງົບປະມານ​​ເຂົ້າ​ໃນ​ການ​ຮຽນ​-ການ​ສອນຈາກກະຊວງ​ຍຸດຕິ​ທຳ ຈຳນວນ 8.900.000 ກີບ, ມີ​ນັກຮຽນ​ເຂົ້າ​ຮ່ວມ​ທັງ​ໝົດ 56 ຄົນ, ຍິງ11 ຄົນ, ຄະນະ​ຮັບຜິດຊອບ12 ທ່ານ, ຍິງ 4 ທ່ານ ​ແລະ ຄູ​ອາ​ຈານ 21 ທ່ານ, ຍິງ 4 ທ່ານ; ສຳລັບ​ກົດ​ໜາຍ​ທີ່​ນຳ​ມາ​ສອນ​ແມ່ນ​ມີ​ທັງ​ໝົດ 37  ກົດ​ໜາຍ, ມີ 30 ວິຊາ, ມີ 450 ຊົ່ວ​ໂມງ

ຈາກນັ້ນທ່ານ ທອງສັນ ແກ້ວປະເສີດ ຮອງຫົວໜ້າພະແນກຍຸດຕິທຳກໍ່ໄດ້ໃຫ້ທິດຊີ້ນຳທາງດ້ານວິຊາການ ໃນການຈັດຕັ້ງປະຕິບັດທ່ານ ໄດ້ເນັ້ນໃຫ້ຄູອາຈານ ແລະ ນັກຮຽນໃຫ້ເອົາໃສ່ໃນການຮຽນການສອນ ໃຫ້ມີການປະເມີນຜົນທຸກໆຄັ້ງ ແລະ ໃຫ້ມີການຍ້ອງຍໍຮຽນດີ, ສອນເກັ່ງໃຫ້ກັບຄູ ແລະ ນັກຮຽນ

ໃນຕອນທ້າຍທ່ານ ຄຳໝູນ ຕຽງທະລາດ ກຳມະການພັກ ນະຄອນຫລວງ, ເລຂາພັກເຈົ້າເມືອງສັງທອງ ໃຫ້ກຽດໂອລົມຕໍ່ກອງປະຊຸມ ແລະ ກ່າວເປີດການຮຽນ-ການສອນຢ່າງເປັນທາງການ

2017-02-15

ຈຳນວນຜູ້ເຂົ້າຊົມ

»  1   ອອນໄລ
»  2 ມື້ນີ້
»  7 ມື້ວານນີ້
»  9ອາທິດນີ້
»  149 ເດືອນນີ້
»  4591 ປີນີ້
»  23664 ທັງໜົດ

ປະຕິທີນ

Nov-2019
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30