ການນຳເມືອງສັງທອງຕ້ອນຮັບການນຳເມືອງປາຍເຊີ, ແຂວງກວາງຊີ ສປຈີນ

​ໃນ​ວັນ​ທີ 24 ກຸມພາ 2017 ຢູ່​ທີ​ຫ້ອງ​ວ່າການ​​ເມືອງສັງ​ທອງ​ໄດ້​ຈັດ​ພິທີ​ຕ້ອນຮັບ ສະຫາຍ ຖານ ພິສວງ ຄະນະ​ປະຈຳ​ພັກ​ເມືອງ​ປາຍ​ເຊີ, ຮອງ​ເຈົ້າ​ເມືອງ​ຜູ້​ປະຈຳການ​ເມືອງ​ປາຍ​ເຊີ, ​ແຂວງ​ກວາງຊີ ສປຈີ​ນ ພ້ອມ​ດ້ວຍ​ຄະນະ ​ໃຫ້​ກຽດ​ຕ້ອນຮັບ​ໂດຍ ທ່ານ ຄຳ​ໝູນ ຕຽງ​ທະລາ​ດ ​ເຈົ້າ​ເມືອງ​ສັງ​ທອງພ້ອມ​ດ້ວຍຄະນະ​ການ​ນຳ​ຂັ້ນ​ເມືອງ​ເຂົ້າ​ຮ່ວມ​ໃນ​ພິທີ ທ່ານ ຄຳ​ໝູນ ຕຽງ​ທະລາ​ດ ​ເຈົ້າ​ເມືອງ​ສັງ​ທອງ ​ໄດ້​ລາຍ​ງານ​ການຈັດ​ຕັ້ງ​ປະຕິບັດ​​ແຜນ​ພັດທະນາ​ເສດຖະກິດ-ສັງຄົມ​ໃນ​ໄລຍະ​ຜ່ານ​ມາ ​ແລະ ວາງ​ຄາດ​ໜາຍ​ສູ້ຊົນ​ໃນ​ຕໍ່ໜ້າ

​ເມືອງ​ສັງ​ທອງ​ເປັນ​ເມືອງ​ວິລະ​ຊົນ​ເປັນ​ພື້ນຖານ​ຂອງ​ການ​ປະຕິວັດ ​ເມືອງ​ສັງ​ທອງ​ຕັ້ງ​ຢູ່ຊານ​ເມືອງ​ຫ່າງ​ຈາກ​ໃຈ​ການ  ນະຄອນຫລວງ​ວຽງ​ຈັນ 55 ກິ​ໂລ​ແມັດ ມີ​ເນື້ອ​ທີ່​ທັງ​ໜົດ 75,982 ​ເຮັກຕາ, ປະກອບ​ດ້ວຍ 35 ບ້ານ,​ 504 ໜ່ວຍ, 6,139 ຄອບຄົວ, ພົນລະ​ເມືອງ​ທັງ​ໝົດ 30,747 ຄົນ, ຍິງ 15,393 ຄົນ, ທົ່ວ​ເມືອງ​ມີ​ພະນັກງານ​ທັງ​ໜົດ 649 ຄົນ, ຍິງ 307 ຄົນ, ​ໄດ້​ຫັນ​ເອົາ​ພະນັກງານ​ລົງ​ກໍ່ສ້າງ​ຮາກ​ຖານ​ການ​ເມືອງ​ພັດທະນາ​ຊົນນະບົດ​ຮອບດ້ານ ຕິດ​ພັນ​ກັບ​ການ​ສ້າງ​ບ້ານພັດທະນາ​ຕາມ​ທິດ​ວຽກ​ງານ 3 ສ້າງ ຈຳນວນ 63 ຄົນ, ຍິງ 5 ຄົນ ​ເຊິ່ງ​ໄດ້​ຖຶກ​ເອົາ​ວຽກ​ງານ ສຶກສາ​ອົບຮົມ​ການ​ເມືອງ​ແນວ​ຄິດ​ໃນ​​ແກ່​ພະນັກງານ​ສະມາຊິກ​ພັກ, ພະນັກງານ​ລັດຖະກອນ, ທະຫານ, ຕຳຫລວດ ຕະຫລອດ​ຮອດ​ພໍ່​ແມ່​ປະຊາຊົນ​ບັນດາ​ເຜົ່າ​ເປັນ​ບັນຫາ​ຫລັກ​ໃນ​ໄລຍະ​ຜ່ານ​ມາ​ການ​ນຳ​ເມືອງ​ສັງ​ທອງ​ໄດ້​ສົມ​ທົມ​ກັບ​ການ​ນຳ ນະຄອນຫລວງ​ວຽງ​ຈັນ​ສຸມ​ໃສ​ການ​ພັດທະນາ​ເສດຖະກິດ​ສັງຄົມ​ຂອງ​ເມືອງ​ເປັນ​ໃຈກາງ ​ແລະ ​ເປັນ​ບູລິ​ມະ​ສິດ​ອັນ​ດັບໜຶ່ງ ​ໃນ​ນີ້​ແມ່ນ​ເນັ້ນ​​ເລັ່ງ​ໃສ​ການ​ແກ້​ໄຂ​ຄວາມທຸກ​ຍາກ​ຂອງ​ປະຊາຊົນ.

2017-02-27

ຈຳນວນຜູ້ເຂົ້າຊົມ

»  1   ອອນໄລ
»  6 ມື້ນີ້
»  7 ມື້ວານນີ້
»  13ອາທິດນີ້
»  153 ເດືອນນີ້
»  4595 ປີນີ້
»  23668 ທັງໜົດ

ປະຕິທີນ

Nov-2019
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30