ພິທີປາຖະກະຖາໂຄສະນາເຜິຍແຜ່ການອະນຸລັກ ແລະ ສົ່ງເສີມມູນເຊື້ອວັດທະນະທຳອັນດີງາມຂອງແມ່ຍິງລາວ

      ໃນຕອນເຊົ້າຂອງວັນທີ 26 ພຶດສະພາ 2017  ເວລາ 08: 00 ໂມງ ຢູທີ່ສະໂມສອນເມືອງສັງທອງໄດ້ມີພິທີປາຖະກະຖາໂຄສະນາເຜິຍແຜ່ການອະນຸລັກ ແລະ ສົ່ງເສີມມູນເຊື້ອວັດທະນະທຳອັນດີງາມຂອງແມ່ຍິງລາວຂື້ນ ພາຍໃຕການເປັນປະທານຂອງ ທ່ານ ຄຳໝູນ ຕຽງທະລາດ ຄະນະບໍລິຫານງານພັກນະຄອນຫລວງວຽງຈັນ, ເລຂາພັກ ເຈົ້າເມືອງສັງທອງ, ທ່ານ ນາງ ຄຳໄພ ລັດສະໝີ ຄະນະບໍລິຫານງານພັກ ນວ, ປະທານສະຫະພັນແມ່ຍິງ ນວ ທ່ານ ນາງ ວ່າການຫົວໜ້າກົມໂຄສະນາອົບຮົມສູນກາງແມ່ຍິງລາວ; ຍັງມີບັນດາຄະນະບໍລິຫານງານແມ່ຍິງ, ສະຫະພັນແມ່ຍິງບ້ານ ແລະ ໜ່ວຍແມ່ຍິງອ້ອມຂ້າງພ້ອມດ້ວຍສະມາຊິກເຂົ້າຮ່ວມທັງໜົດ 194 ສະຫາຍ.

      ໃນພິທີດັ່ງກ່າວ ທ່ານ ນາງ ໄຊພອນ ແສງຈັນ ຄະນະບໍລິຫານງານພັກເມືອງ, ປະທານສະຫະພັນແມ່ຍິງເມືອງໄດ້ຂື້ນ ສະຫລູບລາຍງານການເຄື່ອນໄຫວວຽກງານໃນໄລຍະຜ່ານມາ ແລະ ທິດທາງແຜນການສູ້ຊົນໃນຕໍ່ໜ້າ; ທ່ານ ນາງ ໄຊພອນ ແສງຈັນ ໄດ້ລາຍງານວ່າທົ່ວເມືອງສັງທອງມີສະຫະພັນແມ່ຍິງລາວທັງໜົດ 5,541 ສະຫາຍ ໃນນັ້ນສະມາຊິກແມ່ຍິງລາວ 5,402 ສະຫາຍ, ໄດ້ແບ່ງອອກເປັນ 57 ຮາກຖານ, ມີ 22 ໜ່ວຍອ້ອມຂ້າງເມືອງ ແລະ ມີຄະນະບໍລິຫານງານ 19 ສະຫາຍ; ມີສະມາຊີກແມ່ຍິງ 3 ດີປະເພດ1 ມີ 4,551 ສະຫາຍ, 3ດີ ປະເພດ 2 ມີ 851 ສະຫາຍ; ມີຄອບຄົວຕົວແບບທັງໜົດ 16 ຄອບຄົວສາມາດສ້າງລາຍຮັບເຂົ້າໃນຄອບຄົວໄດ້ 30 ລ້ານ ຫາ 100 ລ້ານຕໍ່ປີ; ນອກຈາກນີ້ ທາງສະຫະພັນແມ່ຍີງເມືອງຍັງໄດສ້າງຕັ້ງກຸ່ມທ້ອນເງີນແມ່ຍິງທົ່ວເມືອງມີທັງໜົດ 38 ກຸ່ມ, ມີສະມາຊິກທັງໜົດ 7,252 ຄົນ, ມີເງີນໝູນວຽນທັງໜົດ 17.206.216.500 ກີບ ແລະ ເງີນທ້ອນທັງໜົດ 13.447.000.000 ກີບ

ໃນນີ້ໄດ້ຮັບກຽດຈາກທ່ານ ນາງ ສີອຳພອນ ສີລັດຕະນະກຸນ ວ່າການຫົວໜ້າກົມໂຄສະນາອົບຮົມສູນກາງແມ່ຍິງລາວ ຂື້ນເຜີແຜ່ໂຄສະນາມູນເຊື້ອວັດທະນະທຳອັນດີງາມຂອງແມ່ຍິິງລາວ ໂດຍທ່ານໄດ້ນຳສະເໜີ 5 ເນື້ອນໃນໃຫຍ່ເຊັ່ນ: 1. ຄວາມໜາຍຄວາມສຳຄັນຂອງວັດທະນະທຳລາວ;​ 2. ຄຸນລັກສະນະທີເປັນມູນເຊື້ອຂອງແມ່ຍິງລາວ; 3. ບົດບາດຂອງແມ່ຍິງລາວໃນການເບິ່ງແຍງດູແລເຮືອນຊານ; 4. ຜົນກະທົບຂອງຍຸກໂລກາວິວັດຕໍ່ວັດທະນະທຳ ແລະ ບາງວິທີການເພຶ່ອອະນຸລັກຮັກສາວັດທະນະທຳອັນດີງາມຂອງຊາດ

ໃນຕອນທ້າຍທ່ານ ນາງ ຄຳໄພ ລັດສະໝີ ຄະນະບໍລິຫານງານພັກ ນວ, ປະທານສະຫະພັນແມ່ຍິງ ນວ ໄດ້ຂື້ນມີຄຳເຫັນ ແລະ ໃຫ້ຊີ້ນຳ ທ່ານໄດ້ເນັ້ນບາງບັນຫາສຳຄັນໂດຍສະເພາະແມ່ນບັນຫາສະຖາບັນຄອບຄົວ ແຕ່ລະສະຫາຍໃຫ້ເອົາໃຈໃສ ແລະ ສ້າງຄອບຄົວຕົນເອງໃຫ້ເປັນຄອບຄົວມີມີຄວາມຜາສຸກ

2017-05-29

ຈຳນວນຜູ້ເຂົ້າຊົມ

»  1   ອອນໄລ
»  5 ມື້ນີ້
»  8 ມື້ວານນີ້
»  84ອາທິດນີ້
»  276 ເດືອນນີ້
»  2976 ປີນີ້
»  16627 ທັງໜົດ

ປະຕິທີນ

Jul-2018
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31