ໃນ 1 ເດືອນຜ່ານມາເສດຖະກິດເມືອງສັງທອງມີທ່າຂະຫຍາຍຕົວຫຼາຍດ້ານ.

ກອງປະຊຸມອົງການປົກຄອງຂັ້ນເມືອງ ຄັ້ງທີ 1 ຈັດຂື້້ນໃນວັນທີ 20 ມີນາ 2018 ຢູ່ທີ່ຫ້ອງປະຊຸມເມືອງດັ່ງກ່າວ ໂດຍການເປັນປະທານຂອງ ທ່ານ ດາວເພັດ ອາລຸນ ເລຂາພັກເມືອງ, ເຈົ້າເມືອງສັງທອງ. ໃນນັ້ນມີຄະນະປະຈຳພັກ, ພະນັກງານຫຼັກແຫຼ່ງ ແລະ ຫົວໜ້າຫ້ອງການອ້ອມຂ້າງເມືອງເຂົ້ນຮ່ວມ.

ທ່ານ ສີສຸພັນ ບຸນສະເໜີ ສະມາຊິກສະພານະຄອນຫຼວງວຽງຈັນ ຊຸດທີ 1, ຫົວໜ້າຫ້ອງວ່າການປົກຄອງເມືອງສັງທອງ ໄດ້ຂື້ນຜ່ານບົດສະຫຼຸບ ຕີລາຄາການຈັດຕັ້ງປະຕິບັດນຳພາວຽກງານຮອບດ້ານຂອງອົງການປົກຄອງເມືອງສັງທອງໃນເດືອນ 3/2018 ແລະ ວາງທິດທາງແຜນການ 1 ເດືອນຕໍ່ຫນ້າ ເດືອນ 4/2018 ເຊິ່ງໃນໄລຍະ 1 ເດືອນຜ່ານມາໄດ້ມີຫຼາຍຂົງເຂດວຽກງານທີ່ພົ້ນເດັ່ນໂດຍສະເພາະແມ່ນວຽກງານຂົງເຂດເສດຖະກິດ ໃນ 1 ເດືອນຜ່ານມາໄດ້ສຸມໃສ່ຊຸກຍູ້ເກັບລາຍຮັບເຂົ້າງົບປະມານໄດ້ ທັງໝົດ404,629,523 ກີບ ເທົ່າກັບ 6,94 % ຂອງແຜນການປີ 2018, ໄດ້ຊຸກຍູ້ ການຜະລິດເຂົ້ານາແຊງ ຈຳນວນ 314 ຮຕ. ປະຕິບັດໄດ້ 58,47 ຮຕ. ເທົ່າກັບ 18,62%, ປູກພືດຜັກເນື້ອທີ່ແຜນການ 441 ຮຕ. ປະຕິບັດໄດ້ 299 ຮຕ ເທົ່າກັບ 67,8%, ພືດອຸດສາຫະກຳເນື້ອທີ່ແຜນການ 580 ຮຕ. ປະຕິບັດໄດ້ 300 ຮຕ ເທົ່າກັບ 51,72%. ໃນເດືອນມີນາ 2018 ປະຊາຊົນຂາຍຜົນຜະລິດກະສິກຳສາມາດສ້າງລາຍຮັບໄດ້ 177,128,000 ກີບ ຢາງພາລາກ້ອນຈຳນວນ 19 ໂຕນ. ເປັນເງິນ 95,000,000 ກີບ, ສາລີຫວານ, ໝາກເຂືອ, ໝາກຖົ່ວ ແລະ ພືດຜັກ ອື່ນໆ ເປັນເງິນ 82,128,000 ກີບ. ໄດ້ສີດຢາວັກຊິນເຕົ້າໂຮມເລືອດງົວ, ຄວາຍໄດ້ 75 ໂຕ. ສາມາດຕອບສະໜອງຊີ້້ນຮັບໃຊ້ສັງຄົມໄດ້ 4,165 ກິໂລ  ເປັນມູນຄ່າ 185,185,000 ກີບ. ອອກອະນຸຍາດ ດຳເນີນທຸລະກິດໂຮງສີເຂົ້າໄດ້ 2 ຫົວໜ່ວຍ, ຕິດຕາມສິນຄ້ານຳເຂົ້າ-ສົ່ງອອກເມືອງ, ສິນຄ້າສົ່ງອອກເຂົ້າເປືອກຈຳນວນ 58,5 ໂຕນ ເປັນມູນຄ່າ 117,000,000 ກີບ, ຖ່ານຂາວຈຳນວນຈຳນວນ 4,1 ໂຕນ ເປັນເປັນມູນຄ່າ 8,200,000 ກີບ, ໄມ້ແປຮູບ ມູນຄ່າ 52,855,000 ກີບ ລວມມູນຄ່າສິນຄ້າສົ່ງອອກ 178,055,000 ກີບ ສິນຄ້ານຳເຂົ້າ: ປະເພດສິນຄ້າກະສິກຳ, ເຄື່ອງບໍລິໂພກ-ອຸປະໂພກ ທົ່ວໄປມູນຄ່າ 237,184,000 ກີບ. ໄດ້ລົງຕິດຕາມການເຄື່ອນໄຫວຂອງບໍລິສັດຊອກຄົ້ນ-ສຳຫຼວດແຮ່ທ່າດ ຢູ່ພາຍໃນເມືອງເປັນປົກກະຕິ ແລະ ໄດ້ສົມທົບກັບຄະນະກຳມະການລົງກວດກາການຈົກດິນ-ຖົມດິນໄດ້ 3 ຄັ້ງ ແລະ ໄດ້ລົງຕິດຕາມເກັບກຳສະຖິຕິການຜະລິດຈຳໜ່າຍ ແລະ ມອບພັນທະເຂົ້າງົບປະມານຂອງບັນດາບໍລິສັດຂຸດຄົ້ນຫີນກໍ່ສ້າງຢູ່ເຂດບ້ານອ່າງນ້ອຍ ແລະ ບ້ານສະໄກ ສາມາດຜະລິດໄດ້ 4,281 ແມັດກ້ອນຈຳໜ່າຍໄດ້ 2,479 ແມັດກ້ອນ.

2018-03-22

ຈຳນວນຜູ້ເຂົ້າຊົມ

»  1   ອອນໄລ
»  9 ມື້ນີ້
»  23 ມື້ວານນີ້
»  63ອາທິດນີ້
»  303 ເດືອນນີ້
»  2103 ປີນີ້
»  15754 ທັງໜົດ

ປະຕິທີນ

May-2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31