ພິທີເປີດການຮຽນການສອນກົດໝາຍຊັ້ນຕົ້ນລະບົບ 3 ເດືອນ ຊຸດທີ 8 ສົກປີ 2017-2018

ໃນຕອນເຊົ້າວັນທີ 22 /3/2018 ນີ້ ທີ່ສະໂມສອນເມືອງສັງທອງ ໄດ້ມີພິທີເປີດການຮຽນ-ການສອນກົດໜາຍຊັ້ນຕົ້ນລະບົບ 3 ເດືອນ ຊຸດທີ 8 ສົກປີ 2017-2018 ຂື້ນພາຍໃຕ້ການເປັນປະທານຂອງທ່ານ ດາວເພັດ ອາລຸນ ເຈົ້າເມືອງສັງທອງ ແລະ ໃຫ້ກຽດເຂົ້າຮ່ວມຂອງທ່ານ ບຸນເພັງ ສິນນະວົງພອນ ກຳມະການພັກນະຄອນຫລວງ, ຫົວໜ້າພະແນກຍຸດຕິທຳ ນະຄອນຫລວງວຽງຈັນ; ມີບັນດາຄະນະປະຈຳພັກ, ຄະນະພັກເມືອງ, ຫົວໜ້າຫ້ອງການ; ນາຍບ້ານ ແລະ ນັກຮຽນກົດໜາຍເຂົ້າຮ່ວມ

ໃນ​ກອງ​ປະຊຸມ​ທ່ານ​ ນາງ ນ໋ອດ ຄ່າຍຄຳ ຮອງ​ຫົວໜ້າ​ຫ້ອງການ​ຍຸດຕິ​ທຳ​ໄດ້​ຂື້ນ​ຜ່ານການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ​ແຜນການ​ເປີດ​ການ​ຮຽນ-ການ​ສອນ ກົດ​ໜາຍ​ຊັ້ນ​ຕົ້ນ; ເມືອງສັງທອງ ເວົ້າລວມ, ເວົ້າສະເພາະຫ້ອງການຍຸດຕິທຳໄດ້ເປີດການຮຽນ-ການສອນກົດໜາຍຊັ້ນຕົ້ນໃຫ້ບັນດາເລຂາພັກບ້ານ-ນາຍບ້ານ ແລະ ພະນັກງານໄດ້ທັງໜົດ 7 ຊຸດ, ເຊິ່ງໃນນີມີຜູ້ເຂົ້າຮຽນທັງໜົດ 385​ ຄົນ, ຍິງ 67 ຄົນ ແລະ ສາມາດນຳເອົາບົດຮຽນທີ່ຮຽນມານຳໃຊ້ເຂົ້າວຽກງານຂອງຕົນ; ການຮຽນ-ການສອນກົດໜາຍຊັ້ນຕົ້ນໃນຊຸດທີ 8 ນີ້ມີນັກຮຽນທັງໜົດ 27 ຄົນ, ຍິງ 5 ຄົນ ເຊິ່ງໃນນີ້ແມ່ນມາຈາກຮາກຖານບ້ານ 13 ຄົນ, ມີຄະນະ​ຮັບຜິດຊອບ14 ທ່ານ, ຍິງ 4 ທ່ານ ​ແລະ ຄູ​ອາ​ຈານ 21 ທ່ານ, ຍິງ 4 ທ່ານ; ສຳລັບ​ກົດ​ໜາຍ​ທີ່​ນຳ​ມາ​ສອນ​ແມ່ນ​ມີ​ທັງ​ໝົດ 37  ກົດ​ໜາຍ, ມີ 30 ວິຊາ, ມີ 450 ຊົ່ວ​ໂມງ

ຈາກນັ້ນທ່ານ ບຸນເພັງ ສິນນະວົງພອນກຳມະການພັກນະຄອນຫລວງ, ຫົວໜ້າພະແນກຍຸດຕິທຳ ນະຄອນຫລວງວຽງຈັນ; ຫົວໜ້າພະແນກຍຸດຕິທຳກໍ່ໄດ້ໃຫ້ທິດຊີ້ນຳທາງດ້ານວິຊາການ ໃນການຈັດຕັ້ງປະຕິບັດທ່ານ ໄດ້ເນັ້ນໃຫ້ຄູອາຈານ ແລະ ນັກຮຽນໃຫ້ເອົາໃສ່ໃນການຮຽນການສອນ ໃຫ້ມີການປະເມີນຜົນທຸກໆຄັ້ງ ແລະ ໃຫ້ມີການຍ້ອງຍໍຮຽນດີ, ສອນເກັ່ງໃຫ້ກັບຄູ ແລະ ນັກຮຽນ

ໃນຕອນທ້າຍທ່ານ ດາວເພັດ ອາລຸນ ເຈົ້າເມືອງສັງທອງ ໃຫ້ກຽດຂື້ນໂອລົມຕໍ່ກອງປະຊຸມ ແລະ ກ່າວເປີດການຮຽນ-ການສອນຢ່າງເປັນທາງການ

2018-03-22

ຈຳນວນຜູ້ເຂົ້າຊົມ

»  1   ອອນໄລ
»  1 ມື້ນີ້
»  3 ມື້ວານນີ້
»  1ອາທິດນີ້
»  101 ເດືອນນີ້
»  3169 ປີນີ້
»  16820 ທັງໜົດ

ປະຕິທີນ

Aug-2018
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31