ພັນລະຍາການນຳຂັ້ນສູງ ລົງຢ້ຽມຢາມເມືອງສັງທອງ.

ວັນທີ 28 ມີນາ 2018 ທີ່ຜ່ານມາ ທ່ານ ນາງ ແກ້ວສາຍໃຈ ໄຊຍະສອນ ພັນລະຍາພະນະ ທ່ານ ຈູມມະລີ ໄຊຍະສອນ ອະດີດປະທານປະເທດ ແຫ່ງ ສ.ປ.ປ.ລາວ ໄດ້ລົງມາຢ້ຽມຢາມບ້ານດອນກາງຂອງ ເມືອງສັງທອງ ນະຄອນຫຼວງວຽງຈັນ ໂດຍການຕ້ອນຮັບຂອງ ທ່ານ ສີສຸພັນ ບຸນສະເໝີ ສ.ສ.ນ.ວ ຊຸດ I  ປະຈຳເມືອງສັງທອງ ອົງການປົກຄອງບ້ານ ພ້ອມດ້ວຍພໍ່ແມ່ປະຊາຊົນເຂົ້າຮ່ວມ ໂອກາດ ດັ່ງກ່າວ ທ່ານ ຕຸ້ຍ ນາຍບ້ານດອນກາງຂອງ ໄດ້ລາຍງານສະພາບລວມຂອງບ້ານດອນກາງຂອງ ມີເນື້ອທີ່ທັງໝົດ  515 ຮ.ຕ, ເນື້ອທີ່ການຜະລິດ 150 ຮ.ຕ, ເນື້ອທີ່ນາ 75 ຮ.ຕ ແລະ ເນື້ອທີ່ອື່ນໆ 260 ຮ.ຕ. ມີພົນລະເມືອງທັງໝົດ 440 ຄົນ ຍິງ 229 ຄົນ ມີ 107 ຫຼັງຄາ ມີ 91 ຄອບຄົວ ປະກອບມີ 8 ໜ່ວຍ ອາຊີບຕົ້ນຕໍຂອງປະຊາຊົນແມ່ນເຮັດນາ, ປູກພືດ ແລະ ລ້ຽງສັດເປັນສຳຮອງ. ນອກຈາກນີ້ຍັງມີເນື້ອທີ່ທຳການຜະລິດ ຂອງພໍ່ແມ່ນປະຊາຊົນບ້ານອ້ອມຂ້າງຈຳນວນ 5 ບ້ານ ການໄປມາຂອງພໍ່ແມ່ປະຊາຊົນ ແມ່ນໃຊ້ເຮືອເປັນຫຼັກ ຫຼື ຍ່າງໄປຫາບ້ານປາກຕອນ 2,000 ມ ແລະ ຂີ່ເຮືອຂ້າມນໍ້າຂອງອີກ 500 ມ. ຊີວິດການເປັນຢູ່ຂອງປະຊາຊົນອ້ອມຂ້າງມີຄວາມຫຍຸ້ງຍາກເຊັ່ນ: ບໍ່ມີສຸກສາລາ, ເວລາເຈັບເປັນ ແລະ ໄດ້ໃຊ້ເຮືອເປັນພາຫະນະຮັບສົ່ງໄປໂຮງໝໍ.

ໃນການລົງມາຢ້ຽມຢາມຄັ້ງນີ້ ກໍ່ເພື່ອມາເບິ່ງຊີວິດການເປັນຢູ່ຂອງປະຊາຊົນ ແລະ ນຳຄໍາສະເໜີຂອງປະຊາຊົນໄປລາຍງານຕໍ່ກອງປະຊຸມເພື່ອຈະມາພັດທະນາພື້ນຖານໂຄງລ່າງຂອງບ້ານເປັນຕົ້ນແມ່ນເສັ້ນທາງ, ສຸກສາລາ ແລະ ຈະພັດທະນາແຫຼ່ງທ່ອງທ່ຽວໂດຍໃຫ້ປະຊາຊົນມີສ່ວນຮ່ວມໃນຕໍ່ໜ້າ.

2018-04-05

ຈຳນວນຜູ້ເຂົ້າຊົມ

»  1   ອອນໄລ
»  9 ມື້ນີ້
»  23 ມື້ວານນີ້
»  63ອາທິດນີ້
»  303 ເດືອນນີ້
»  2103 ປີນີ້
»  15754 ທັງໜົດ

ປະຕິທີນ

May-2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31