ການ​ເງິນ​ເມືອງ​ສັງ​ທອງ​ເປີດ​ກອງ​ປະ­ຊຸມ​ສະ­ຫຼຸບ​ປະຈຳ​ປີ.

ກອງ​ປະ­ຊຸມ​ສະ­ຫຼຸບ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ການ​ເງິນ ​ງົບ­ປະ­ມານ​ປີ 2017 ຈັດ​ຂື້ນ​ໃນ​ວັນ​ທີ 30 ມີ­ນາ 2018 ຢູ່​ທີ່​ສະ­ໂມສອນ​ເມືອງສັງທອງ ​ໂດຍ​ການ​ເປັນ​ປະ­ທານ​ຂອງ ທ່ານ ແກ້ວ​ພິ­ລາ​ວັນ ອາ​ໄພ​ລາດ ຮອງ​ເຈົ້າ​ຄອງ​ນະ­ຄອນ­ຫຼວງວຽງຈັນ, ທ່ານ ຄຳ​ພັນ ມາ­ລາ​ບັນ­ດິດ ຫົວ­ຫນ້າ​ພະ­ແນກການ​ເງິນ​ນະ­ຄອນ­ຫຼວງ​ວຽງ​ຈັນ, ​ໂດຍ​ການ​ເຂົ້າ​ຮ່ວມ​ຂອງ ​ທ່ານ ດາວ​ເພັດ​ອາ​ລຸນ​ເຈົ້າເມືອງ​ສັງ​ທອງ,​ ໃນ​ນັ້ນ​ມີ​ຫົວ­ໜ້າ​ຫ້ອງ­ການ​ອ້ອມ​ຂ້າງ​ເມືອງ, ເລ­ຂາ​ພັກ​ບ້ານ​ ແລະ ນາຍ­ບ້ານ​ທົ່ວ​ເມືອງ​ສັງ​ທອງ​ເຂົ້າ​ຮ່ວມ.

ທ່ານ ຄຳ​ພູ​ວຽງ ແກ້ວ​ສຸ​ພິນ ຫົວ­ໜ້າ​ຫ້ອງ­ການ​ການ​ເງິນ​ເມືອງ​ສັງ​ທອງ ໄດ້​ລາຍ​ງານ​ບົດ​ສະ­ຫຼຸບ ຮອບ­ດ້ານ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ການ​ເງິນ​ ງົບ­ປະ­ມານ​ປີ 2017 ວາງ​ທິດ​ທາງ​ແຜນ­ການ​ປີ 2018 ໃນ​ໄລ­ຍະ 1 ປີຜ່ານ­ມາ ຫ້ອງ­ການ​ການ​ເງິນ ​ເມືອງ​ສັງທອງ​ ໄດ້​ຈັດ​ຕັ້ງ​ແຜນ­ການ​ງົບ­ປະ­ມານ ​ຕາມ​ການ​ມອບ​ໝາຍ​ຂອງ​ພະ­ແນກ­ການ​ເງິນ ເຮັດ​ວຽກ​ງານ​ການ­ຈັດ­ຕັ້ງ​ປະ­ຕິບັດ​ລາຍ​ຮັບ ແລະ ຄຸ້ມ​ຄອງ​ລາຍ​ຈ່າຍ (ແບບ​ຂາດ​ດຸນ). ໄດ້​ຮັບ​ຕົວ​ເລກ​ແຜນ­ການ ຈັດ​ເກັບ​ລາຍ​ຮັບ​ເບື້ອງ​ຕົ້ນ 5,677,868,000 ກີບ ດັດ­ແກ້​ໃນ​ງວດ VI ມາ​ເປັນ 5,723,468,000 ກີບ ເພີ່ມ 1,0%, ແຜນ​ລາຍ​ຈ່າຍ​ຈຳ­ນວນ 27,269,642,000 ກີບ ດັດ­ແກ້​ເພີ່ມ​ມາ​ເປັນ 27,655,242,000 ກີບ ເພີນ 1,0% ປີ 2017 ສາ­ມາດ​ເກັບ​ລາຍ​ຮັບ​ໄດ້​ທັງ​ໝົດ 5,392,184,491 ກີບ ທຽບ­ໃສ່​ແຜນ­ການ​ປີ​ເທົ່າ​ກັບ 94,21% ໃນ​ນັ້ນ​ໄດ້​ມາ​ຈາກ​ໜ່ວຍ​ງານ​ສ່ວຍ​ສາ​ອາ­ກອນ​ປະ­ຕິ­ບັດ​ໄດ້ 4,192,356,448 ກີບ 81,51%, ໜ່ວຍ​ງານ ຄຸ້ມ​ຄອງ​ຊັບ​ສິນ​ຂອງ​ລັດ ​ເກັບ​ໄດ້​ທັງ​ໝົດ 1,199,827,543 ກີບ ທຽບ​ກັບ​ແຜນ­ການ​ປີ​ເທົາ​ກັບ 206,87% ນອກ­ຈາກ​ນັ້ນ​ຍັງ​ມີ 11 ບ້ານ​ສາ­ມາດ​ເກັບ​ລາຍ​ຮັບ​ ເຂົ້າ​ງົບ­ປະ­ມານ​ລື່ນ​ແຜນ­ການ.

ໃນ​ກອງ​ປະ­ຊຸມຍັງ​ໄດ້​ມອບ​ໃບ​ຍ້ອງ­ຍໍ​ໃຫ້​ກັບ​ກົມ​ກອງ ແລະ ບຸກ­ຄົນ​ດີ­ເດັ່ນ​ຈຳ­ນວນ 7 ກົມ​ກອງ ແລະ 32 ບຸກ­ຄົນ ແລະ 21 ບ້ານ.

2018-04-05

ຈຳນວນຜູ້ເຂົ້າຊົມ

»  1   ອອນໄລ
»  24 ມື້ນີ້
»  16 ມື້ວານນີ້
»  24ອາທິດນີ້
»  370 ເດືອນນີ້
»  4099 ປີນີ້
»  17750 ທັງໜົດ

ປະຕິທີນ

Oct-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31