ກອງປະຊຸມແລກປຽນບົດຮຽນລະຫວ່າງເມືອງສັງທອງກັບເມືອງປາກງືມ

       ໃນຕອນເຊົ້າວັນທີ 10 ພຶດສະພາ 2018 ທີ່ຫ້ອງປະຊຸມເບີ 1 ຫ້ອງວ່າການເມືອງສັງທອງໄດ້ເປີດກອງປະຊຸມແລກປ່ຽນບົດຮຽນກ່ຽວກັບການຈັດຕັ້ງສະເຫລີມສະຫລອງສ້າງຕັ້ງເມືອງສັງທອງຄົບຮອບ 20 ປີ (11 ພະຈິກ 1993 ຫາ 11 ພະຈິກ 2013) ຂື້ນພາຍໃຕ້ການເປັນປະທານຂອງທ່ານ ດາວເພັດ ອາລຸນ ເຈົ້າເມືອງສັງທອງ; ທ່ານ ວົງເດືອນ ບຸນຍະແສງ ເລຂາພັກ, ເຈົ້າເມືອງປາກງືມ; ມີບັນດາຫົວໜ້າຫ້ອງການອ້ອມຂ້າງເຂົ້າຮ່ວມຈຳນວນ 29 ທ່ານ

ໃນກອງປະຊຸມທ່ານ ນາງແກ້ວ ພົມມະລາດ ໄດ້ສະຫລູບລາຍງານກ່ຽວກັບໜ້າວຽກ, ກິດຈະກຳ ແລະ ການກະກຽມ ການສະເຫລີມສະຫລອງເມືອງສັງທອງຄົບຮອບ 20 ປີ (11 ພະຈິກ 1993 ຫາ 11 ພະຈິກ 2013)  ແລະ  ກິດຈະກຳທີ່ຈັດຂື້ນໃນງານມີ :

  • ກະກຽມບົດສະຫລູບຜົນງານ 20 ປີ
  • ກະກຽມຂະບວນການກິລາ ແລະ ສິລະປະ
  • ພິມສະຫລາກສ່ຽງໂຊກ 20.000 ໃບ
  • ກະກຽມຕັ້ງກອງ ຈຳນວນ 9 ກອງ ອຸທິດໃຫ້ອາດິດການນຳຂັ້ນສູງ ແລະ ອາດິດການນຳຫລັກແຫລ່ງຂອງເມືອງ
  • ໄດ້ປຸກລະດົມພໍ່ແມ່ປະຊາຊົນ; ແມ່ຄ້າຊາວຂາຍ; ນັກທຸລະກິດນຳສິນຄ້າຂອງຕົນເຂົ້າຮ່ວມວ່າງສະແດງ ແລະ ຂາຍພາຍໃນງານ ມີເຄື່ອງຫັດຖະກຳ; ກະສິກຳເປັນຕົ້ນ.

ແລະໄດ້ຈັດຂອງທີ່ລະນຶກຄື: ວານລະສານ ແລະ ເສື້ອ; ໃນໄລຍະການຈັດຕັ້ງປະຕິບັດແມ່ນ 2 ວັນ; ວັນທີ່ 10-11 ພະຈິກ 2013

ໃນຕອນທ້າຍ ທ່ານ ວົງເດືອນ ບຸນຍະແສງ ທ່ານເຈົ້າເມືອງປາກງືມໄດ້ລາຍງານການກະກຽມການສະເຫລີມສະຫລອງ ເມືອງປາກງືມຄົບຮອບ 25 ປີ (30 ທັນວາ 1994 ຫາ 30 ທັນວາ 2019) ມາຮອດປະຈຸບັນກຳລັງກະກຽມຂໍ້ຕົກລົງແຕ່ງຕັ້ງຄະນະຮັບຜິດຊອບ; ສຳລັບການຈັດ ການສະເຫລີມ ສະຫລອງແມ່ນປີໝ້າ 2019 ແລະ ຈະຂື້ນພ້ອມກັບກອງປະຊຸມໃຫຍ່ອົງຄະນະພັກເມືອງ

 

2018-05-14

ຈຳນວນຜູ້ເຂົ້າຊົມ

»  1   ອອນໄລ
»  9 ມື້ນີ້
»  23 ມື້ວານນີ້
»  63ອາທິດນີ້
»  303 ເດືອນນີ້
»  2103 ປີນີ້
»  15754 ທັງໜົດ

ປະຕິທີນ

May-2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31